واحد من عياله اسمه سعد عمره 10 سنين وأبوه يعزه ويغليه بس مو مثل غلات ولده ناصر واللى عمره 9 سنين آخر العنقود ومدلع.
راكبين بالسيارة طبعاً من كثر ما يحب ناصر مقعده جنبه وناصر أنواع الإستبثار وعلى قلب أبوه ألذ من العسل 
ناصر:- بابا ليه السيارة لها كفرات ؟؟؟
أبو سعد:- بابا لازم... بدون كفرات السيارة شلون بتمشي؟؟ حبيبي لازم بس والله انك نبيه اسم الله عليك طالع على أبوك
سعد :- بابا وش الفرق بين بنزين 91 وبنزين 95 ؟
أبو سعد:- يا أخي أنت حمار وقليل أدب بالله عليك هذا سؤال؟؟؟ واضحة يا الثور الله ي.... أمً جابتك الـ 95 أغلى
أبو سعد:- بلا قصدي بلا بطيخ أنثبر لأدعس بـ بطنك يا الغثيث.
سلطان الرياضة :- ( تتم إعطاء السلطات في أروقة الإتحاد السعودي بتزكية من أناس موجودين بالإتحاد السعودي أو لأنك ترى أهليتهم وهم مؤهلين كشهادات وخبرات )
على طاري الخبرات عندكم خبر أن أحد انجازات فيصل عبد الهادي 8 ألمانيا
نرجع لموضوعنا أنت يا سيدي الكريم رئيس الإتحاد السعودي يعني شغلتك ما هي بس تصدق القرارات العقيمة والسلام .. أنت المخرج الوحيد وأنت بحكم منصبك بأعلى الهرم الرياض تختفي علي طاولت مكتبك كل ألوان الأندية وينعدم الميول ((هذا المفروض بس مو الواقع))
يمكن أنا أكون إنسان غير محايد حكم عشقي للكيان الهلالي لكن أنت سيدي الكريم حكم منصبك؟؟؟ يجب أن تكون للحياد نبراس
أتوقع الأغلبية متفقين معي...
علي أي أساس ( س ) من اللاعبين يوقف مباراة واحده و ( ص ) من اللاعبين يوقف 10 ؟؟!
عطني شي صريح و واضح أمشي واستند عليه والأهم أقتنع فيه وأحسس إني ما انظلمت؟؟؟!
طيب هالشيء مو موجود؟؟؟ وش الحل ؟؟!
أعدل بين الأندية وتكون العقوبات متساوية في حال تشابه الحدث
يعني بالعربي العقوبة ما تختلف إذا أختلف أسم النادي ؟؟؟؟!
الميول شي بطل لكن عند الجمهور عند الصحافة بين اللعيبه عند الإداريين وأعضاء الشرف....
لكن إذا وجد في إتحاد فسدت الرياضة في هذا البلد والأمثلة كثيرة .
فصولي عبد الهادي لعبها صح وصح لأبعد مرحلة بحكم منصبة 
أبو سلطان صرح بأنهم محاربين من اللجان الفنية بالإتحاد السعودي وسمعنا رد المصدر المسئول بالبيان إياه لدرجة أن هالمصدر المسئول ينافس الوليد بن بدر بإصدار البيانات
واللعبه اللي صارت في حال تأهل نادي الإتحاد (( حكم مواقف سابقة لفصولي خُص نادي الإتحاد بالذكر )) إلي المباراة القادمة نخليهم يلعبون مباراتين بجده ونوقف التايب 4 مباريات لأن العدل عادة المسئول (امحق عدل) بيجيه عفو بعد مباريتين وتخفض مدة العقاب إلي النصف وتكون المباراة عدت بخيرها وشرها عليه.
استعباط لأبعد مرحله 
تدرون عاد الهلال نادي قليل آدب ولازم يتربي ((وهم حطوا فصولي بمنصبه يعلمنا الأدب )) حكم أنه
رجل فاضل
أول نادي سعودي طبقة بحقه قرارات لجنة الإنظباط لدرجة أن لجنة الإنحطاط ما سمعنا بها اللا بعد سالفة نيجيريا واللى كلنا متعودين نسمعها وبكل المدرجات بس طاحت براسنا من زود الغلا
مباراة النصر اللى انرقعوا فيها 5 واللى واكبت الزيادة من المقام السامي البالغة 5% سمعنا فيها نيجيريا والتشاد ولا حولك أحد
أول من منع من دخول الملاعب السعودية هو الكابتن صالح نعيمه اللى رفع أول كأس لآسيا 84 لدخوله واحتجاجه علي الهدف النصراوي
مع أن جمال الفرحان إداري الإتحاد سوى نفس العمليه بإحتجاجه علي هدف هلالي ولا حولك أحد
لاعب ماخذ الكوره رايح يرفع الكورنر تجيه قارورة من جمهور القوارير ولا شعورياً يصير اللي صار منه يتوقف أربع مباريات
غلط التايب غلط كابتن متخب ليبيا ولاعب كبير والمفروض يسوى كونترول على نفسه أكثر لكن قدر الله وما شاء فعل
التمياط نواف أبو بندر اللاعب السعودي المحبوب من جميع جماهير الأنديه دون استثناء يرمونه بالعلب والقوارير
حشي كأني بـ غزه من يقول اننا بملعب الشرايع ؟؟!
محمد نور طمر علي جمهور الإتي واستهاش وطق فيهم لين أذنوا ((يمون جمهور فريقه )) ولا حولك أحد
الكونغولي امبيلي يعضه حيوان بشري ويغرس انيابه غرس وبدون سبب وبتلقائية يحط كوعه بوجه الحيوان البشري يتوقف مباراتين واللي هي بالأساس 6
مع العلم ان فصولى لو نغزته مع جنبه طمر وشلون لو عضيته؟؟؟؟
وكيتا الاتي وعبيلي الشباب ما أحد شاف ولا أحد دري يعنى ما حولك أحد
المشكلة اذا كانت شخصية الإتحاد السعودي مهزوزه واللى أكبر من كذا أن الأمور تدار في أروقتها بتحزب وشلليه وميول والألوان طغت علي المصلحة العامة
لماذا يستهدف كل ما هو أزرق؟؟؟
حرقت أعلامه...
ومورست ضد لاعبيه أدهى وأمر وأحقر القرارات الاستعباطيه ...
حرم إدارييه من دخول الملعب ...
زعيم البطولات المحلية والآسيوية 47 بطوله منها 6 آسيويه ... 42 % نادي الشعب (من كل الطبقات) ... ونادي الوطن وأبنائه (أحق باللقب من نادي المحسوبيات وأبن الأمانة المدلل) ... نادي الـ 10.000000 سعودي ...
10 مليون عاشق للكيان الأزرق فيهم رجال بيوقفونك عند حدك
وخذ العلم مني يا المصدر المسئول
نصيحة :-
فـصولى خذها من قصرها وأقرب رحلة علي الفلبين وأسس لك اتحاد هناك و استعبط على راحتك لأن ما حولك أحد ولا فيها رجال
لكم التحية والتعليق
أحبك يا هلال غصب(ن) عن الراضي والزعلان
