بسم الله الرحمن الرحيم ..
السلام عليكم اخواني .. وعظم الله اجركم بالرياضة السعودية ..
الزبدتيشن >>> متعوب عليها ذي
اشوفكم متوعدين الاتحاد بجدة بالمباراتين الجاية
وهو للحين مالعب مع الاتفاق ..
وانا اقول من الحين يالبيه ياجمهور الشرقية
>>> مايلمح لشيء
وقدها وقدود ان شاء الله جمهور الشرقية الاسبوع الجاي ..
ـــــــــــــــــــ
طارق التايب حبيب الملايين الا فيصل عبدالهادي
.. صح ان جمهور الوحدة قليلين ادب لكن المفروض تضبط اعصابكيا(كابتن) واللي صار صار وماصدق عبدالهادي الصرصار >>> لي يومين مسوي شاعر
وياليتك شفت نواف وش سوا
المهم تريح نفسكـ و تستعد للنهائي ان شاء الله .. لان الادارة لازم تقدم إلتماس زي بعض الناس وبعد مضي نصف المدة اللي هي مباراتين ترجع وتنثر ابداعاتك
ـــــــــــــــــــ
يقولون مصائب قوم عند قوم فوائد .. يمكن ايقاف التايب يرجع لنا جزء من لعب نواف .. لانه يرجع يلعب صانع ألعاب أو لاعب حر والفريدي وسط يمين .. والشلهوب او الدوسري يسار .. وانا بدل الخراشي هجوم
ـــــــــــــــــ
آهـ ياكوزمين . المدرب والا المشجع والا المحب والا عضو الشرف .. المهم آهـ وخلاص
كنت اكرهك وادري انك كنت تكرهني
لكن الحمدلله تصافينا . يعني انا اللي اعرفه ان الواحد اذا بيكتشف مواهب ويطلعهم للفريق الاول يطلع بالسنة 2 أو3 لكن انت غير الشيبان عندك 2 أو 3
.. ماشاءالله مطلع 13 وكل واحد يقول الزود عندي ..
1/ الكلثم 2/ الزوري 3/ الفريدي 4/ الدوسري عزوز 5/خيرات 6/ السعود 7/الدعيع بدر 8/المفرج
9/ المؤشر 10/الذياب 11/الموري 12/ شراحيلي 13/ الصويلح ..
صح ان بعضهم من زمان وحنا نشوفه
لكن هو اللي عطاهم الفرصة بالذات ابو صلووح
..
ـــــــــــــــ
المحترف الجديد ان شاء الله مايكون زي ليلو
واذا ماكان مهاجم هداف زي الفيس وسيرجيو وتنيريو والعنبر
اتمنى يكون لاعب عربي على الاقل اللي نعرفه احسن من اللي مانعرفه
واللي مريحنا ان كوزمين هو اللي بيختارهـ ..
ــــــــــــــ
×× شكرا ياكعبول عبدالهادي
على نقل المباراة لان الزعيم اثبت تفوقه خارج حارته
..
×× ياكعبول ترى بمباراة الهلال والاتحاد الأخيرة انفلخت بعلبة
بس ربك ستر وماتهورت والا كنت باخرب المباراة
اقلها يعني ادق على 992
×× ايه صح على طاري الفلخة .
ليش مانقلت مباراة للاتحاد .. اصلا مايحتاج لان الاتحاد دايم يلعب برا ارضه لان بنيجيريا مافي ملاعب ولا كشافات ولا علب تفقش جد ابو سلم ابوي
×× يقولون التايب تفل وانتم بكرامة على كل الجمهور السعودي .. أنا عن نفسي ماجاني شي
واللي جاه شي يتكلم ياعيال لان ابوي وقتها صقعني قفا يمكن جايه شي ويحسب انه انا
×× مرة ثانية ما ادري كيف اشكرك ياكعبول .. رفعت الايقاف عن كيتا
يعني ضيعت الاتحاد
×× نصراوي يسأل ابوه متى البطولة الثانية يا يبا . وابوه يرد اسال مدرس الرياضيات عن مضاعفات العشرة
ادري طولت عليكم لكن نشوفكم على خير ..
