ياخي والله اني من زمان وانا هلالي لكن ابو سلطان حببني زياده بالهلال حببني بالحظر للملعب تخيلوا رئيس نادي كل مباراة يجي يحيي
الجماهير والله قمت التواظع وقمة الأخلاق رغم انه محارب من جريدة الجزيره وخاصه العجلان والعبودي الله يهديهم اللي نحسوبين علينا
كهلالين
وأذكر موقف لأبو سلطان قاله احد المذيعين الميدانيين في اي ار تي ماأذكر منهو المذيع بالظبط لكن الزبده ان بعد تحقيق الهلال لأحد البطولات أو انه فوز ماأذكر بالظبط جاء المذيع بيقابل مع ابو سلطان وانشغل شوي ابو سلطان وقاله دقيقه بروح وارجع اقابل معك راح ابو سلطان وطول شوي يقول المذيع توقعت انه ماراح يرجع ويوم قربنا ننهي اللقات اشوف واحد جاي من بعيد فأوفى ابو سلطان بوعده وجاء وهذا يدل على معدنه الأصيل
وبصراحه اتمنى يجلس معنى لفتره ثانيه بس للأسف صرح قبل امس بالرياضيه ان باقي على رئاسته اقل من شهر اي بعد هالبطوله اللي اتمنى تكون مسك الختام لمسيرة واحد من أعظم من رأس الهلال بالسنوات الأخيره
وشكرا لك على هالموظوع |