| يا عزيزي مع احترامي لك ولكلامك ,,
هذا أنا من سكان منطقة الاحساء ,,
وحضرت مباراة الهلال مع الاتفاق بالدمام
ومباراة الشباب الأولى طلعت من العصر ووصلت على وقت المباراة وحضرتها ورجعت للأحساء بعد المباراة ووصلت على الساعة 3 الفجر ,,
واخر مباراة مع الشباب طلعت من الدوام العصر ومشيت على طول ووصلت على وقت المباراة واخذت لي سكن بالرياض ورجعت يوم الخميس بحكم أن ما كان عندي دوام ,,
يعني هذا انا من سكان الأحساء وأحضر وأجي لأن عندي رغبة وأحب أني أدعم النادي وانا ورى نادي الهلال وين ما يروح ,,
لكن ان تكون سكان بالرياض والشغلة كلها ما تاخذ منك ساعتين مثل مباراتين الشباب وتقول شغل ووووو !!!
شئ غريب بالفعل ,,
ونفس الكلام بالنسبة لمباراة الوحدة ,,
هذا انا أحضر من منطقة ثانية لأن مثل ما قلت لك إذا صارت الرغبة موجودة تسوي المستحيل اما أنك تبي المباراة يوم الأربعاء أو الخميس وبشرط أن ما يكون عندك موعد ولازم تكون رايق وما تبي زحمة مرة يعني زحمة شوي ولازم تنسيق وتبي موقف عند البوابة اللي بتدخل منها !!
اللي يبي شئ لازم يضحي بشئ ,,
تحياتي لك أخوي ,,
اخر تعديل كان بواسطة » هلالي بكل بساطة في يوم » 20/04/2008 عند الساعة » 06:24 PM | 