أجاوبك اول اخوي الزعماااء ..


انا ولا واحد فيهم عموما عدد رابطة الهلال 11 حماده وابراهيم واللي يمسكون العده 9 اشخاص والاشخاص اللي ذكرتهم مشجعين عاديين يحضرون مبارايات الهلال دائما ويفضلون مساعدت ابراهيم عن الجلوس واكل الفصفص ...


عدد رابطة الاهلي في مباريات الكبيرة بجده اعضاء رسميين 500 شخص والبقيه متعاونين
عدد رابطة الاتحاد في مباريات الكبيرة بجده من 500 الى 800 عضو رسمي والبقيه مشجعيين متعاونين
عدد رابطة الوحده في مكه بالمثل والاتفاق خلو النصر بترك له موضوع لاسبب في اخر ردي تعرفونها ...

عدد رابطة الاهلي والاتحاد خارج جده من 40 الى 60 على حسب قوة المباراة يتم ارسالهم بالطائرة وعند وصولهم المطار يتم استئجار سيارات لنقلهم لمقر سكنهم وغالبا تكون شقق مفروشة غير استئجارهم لاستراحه لاجل تجمع المشجعين من نفس المدينه بالعربي ماكلين شاربين نايمين على حساب النادي ...

غير رابطتهم اللي حاطينها في المدن الرئيسية مثل الرياض والشرقيه ...

بالله هل في مقارنه في عدد الرابطة بتقولي الدعم اخوي الزعماااء مو كل شي بقولك ممكن وممكن لا اذا عرفت ان رابطت الاهلي جاب لاعضاء الرابطة وظائف صباحيه كلن على حسب شهادته ..


ابراهيم الحق يقال هل مرة اعطي تذاكر سفر له بس لحالة !!!!

وندور ناس يمسكون عده من نفس المدينه اللي يروح لها الهلال يلعب مع العلم نحن المقربين لابراهيم نسافر بر عشان نساعده لاقاصي ابلاد من شمالها لجنوبها من غربها لشرقها ولا عمرنا نبي شي لاننا رايحين لاجل الهلال فقط ...


عدد الاشخاص اللي يمسكون المايك يغنون في الاهلي 4 اشخاص في الاتحاد 4 اشخاص في الوحدة 5 والنصر3 والاتفاق 3

ابراهيم لحالة بالمدرج في هذي السنة مسك معاه محمد العبيدي يساعده في بعض المباريات ان كان موجود مع العلم ان محمد العبيدي متعاون وليس رسمي من النادي نائب ابراهيم ....


الدعم اللي يجي نادي الهلال من 3 الى 10 الاف ..

3 الاف ريال تكون للرابطة اذا علمت ان ميتين ريال للي يمسكون العده وحماده ما اعرف كم ياخذ لكن ابراهيم داخل الرياض 1200 وخارجها 1500 ريال الانديه الثانيه 2000 ريال مكافئاتهم داخل مدنهم خارجها زياده ما اعرف كم بالتحديد تختلف من نادي لاخر والعده 500 ريال .....


باقي مبلغ الدعم للشالات والاعلام وما الى ذلك...


غير مكافائات المباراة ولهم مقر في النادي لعمل بروفات مستمرة ...


ابراهيم ماله مقر بالنادي لعمل بروفات على طول يطبق في الملعب... حنا اخوياه يكون بيننا اتصالات يعلمنا بالاهازيج طيب الجمهور الباقي وين يحفظ الاهازيج غير بالملعب ....



خذ الطامه الكبرى شفت المشاكل ذي كلها محلولة وتكفلت فيها موبايلي وهي اللي طلبت رعاية الرابطة وليس العكس ولكن عضو مجلس ادارة يرفض رفض تام بدون سبب ...


شريط الهلال قلنا تبون قلنا حاضرين تم عمل اهازيج وتلحينها حتى الاستوديو والشركة المنتجه اعطتنا عرض خيالي وداعم للشريط موجود وبموافقت ابوسلطان بنفسه لكن رجع لنا نفس الشخص وقال لا ما نبي شريط ....


يعني كل ما نجي نعمل عمل يتصكر بوجهنا مو بكيف ابراهيم حاول يعمل شيء لكن ما قدر ولو على قولت الشباب ابراهيم يبي فلوس كان راح زي العنزي او زي الشمري اللي جابوه ولا قدرو يستحملون الوضع وابراهيم صابر لاجل الجمهور وحبا في الهلال قبل كل شي وحبا في رئيس النادي ...


عموما كتبت هل كلمتين وانا مستعجل اذا في اي استفسار انا حاضر وجاهز للرد بس بعد صلاة العشاء ...



وتصريفك لاسئلتي دليل على انك فعلا ما تدري وش الطبخه بس نبي نغير وبس خلاص رح جب دعم زي النصر 50 الف كل مباراة ورئيس رابطة من الامارات مثل مباراتهم معنا جابو العمدة ورئيس رابطة الوحده الاماراتي وفرقة الفنون الشعبية بالامارات .....

على فكرة ما نبي دعم نبي جمهور يردد مع الرابطة فقط ما نبي واحد ياكل فصفص وما يحضر مباريات اذا انت تبي تشوف الرابطة وش تسوي ابد انا حاضر استقبلك في مباراة للهلال وتكون معنا وتشوف المجهود اللي تقوم فيه وبعدين احكم باللي تبي اما تتكلم وانت ما عمرك حضرت عذرا فهذا ليس بأسلوب انتقادي وبعدين مين قالك ما استلموا شي لهم 8 شهور روابتهم الرسمية ما اسلتموها فقط اما المكافئات استلموها ..


اما تقولي النادي مو عاجز بقولك اعضاء الشرف ولله الحمد كلهم يحبون ابراهيم لكن مشغولين بالفريق الاول والمسؤول عن احضار الدعم مو ابراهيم منسق مجلس الجمهور ياسر الطلاسي اعانه الله عما ابتلي به ويسوي اللي عليه ويطلع اللي فيه النصيب ....


أكثر الشغل اجتهادات شخصية فقط ....