المحور الأول :
هل خطة 4-5-1 مناسبة ليبدء بها المدرب المباراة؟
وماهي التشكيله المتوقع الزج بها من قبل مدربنا كوزمين ؟
ومن تتوقع أن يكون نجم المباراه وسيقود الهلال للفوز ان شاء الله .؟
%
%
بالنسبه للشق الأول أنا أشوف أنها مناسبه ..
أما الشق الثاني بصراحه صعب أتوقع التشكيله اللي راح ينزل فيها السيد كوزمين لأن ظروف البطوله وظروف الفريق ماتسمح لنا بالتوقع
لكن تبقى عندي أمنيه أنه يلعب بهالتشكيله :
الشمري
الزوري .. المفرج .. حسن خيرات .. نامي / مسفر ( الأجهز )
الغنام .. البرقان أو صالح الدوسري
الدوسري . . الكلثم ( التمياط)
الشلهوب (الفريدي)
ليلو (سلطان السعود)
أحتياط : شراحيلي / الفريدي / سعد الذياب / المرشدي / سلطان السعود / مشعل الموري / التمياط
مميزات التشكيله :
بهالتشكيله فيها إراحة للفريق الأول وتجهيزه للقاء الحاسم في مكه
أيضا فيه مركز جديد للشلهوب أنه لاعب وسط حر ويشكل مهاجم ثاني مع ليلو اللي يكون راس حربه
الشلهوب في الفتره الأخيره بغض النظر عن ظروفه .. اللاعب يعاني من نقص واضح في اللياقه !
ومع ذلك تسند له المهام الدفاعيه والهجوميه في وقت واحد وأنا أشوف هذا السبب في إختفاء الشلهوب
بمعنى أن الشلهوب يتفرغ للمهام الهجوميه فقط
الأمر الثاني يتمثل في ليلو .. ليلو سبق وصرح أنه يشوف نفسه مهاجم صريح أفضل وأن شاء الله ليلو يعيد أكتشاف نفسه
ثالثا : هذي فرصه مناسبه لـ إشراك الموهوب الدوسري والكثلم (اللي فقدناه) وإعادتهم من جديد للتشكيله لأنهم بصراحه هم مستقبل الهلال
رابعا : إعادة تأهيل كلا من : الزوري( تتابع المباريات مفيد له ) والمفرج ( أتمنى يكون أحتياط المرشدي ) ونامي أو مسفر
بالنسبه لنجم هالمباراة بهالتشكيله هو الشلهوب بأذن الله
المحور الثاني :
ماهي نقاط ( الضعف و القوه )في الفريق المنافس ليتم التركيز عليها؟
ومن اللاعب الذي ترى ان يستخدمه المدرب كـ ورقه رابحه وفق مجريات المباراة؟
وهل هناك ملاحظات لـ (الحارس - الدفاع - الوسط -الهجوم) لفريق الهلال في اخر مباراة
ترى بأنه يجب تصحيح الوضع فيها قبل المباراة القادمه؟
%
% بالنسبه لنقاط الضعف أشوفها في منطقة العمق الدفاعي الوحداوي متمثله في المحور الدفاعي ومتوسطين قلوب الدفاع
أما نقاط القوة أشوفها في تمركز المحياني ومهارة أحمد الموسى و توزيع اللعب في حسن مصطفى وصناعة اللعب في ماجد الهزاني
أما الورقه الرابحه أشوف أنه أحمد الفريدي
الملاحظات اللي على تشكيلة الهلال هي ضعف لياقة كلا من المفرج والغنام ومسفر أو نامي وهذا يسبب إرباك للفريق لأنهم في مراكز حساسه .. أتمنى من هاللاعبين يركزون على لياقتهم ويتذكرون أنهم في نادي الهلال أعظم نادي آسيوي ... وفيه ملاحظه على البرقان أشوف أنه أحيانا يتحاشى الإلتحامات يحسب نفسه صانع ألعاب مايدري أنه محور وياليت يستفيد من خالد عزيز والغامدي المحور الثالث :
ماهي توقعاتك لنتيجة المباراة ( _ & _ )
مع ذكر رؤيتك الخاصه عن ماهو متوقع من احداثها(( مساحه حره للعضو ))
%
% أتمناها فوز هلالي لكن أتوقع التعادل
وتوقعي أن المباراة فيها ضربة جزاء وطرد
( حسن مصطفى وماجد الهزاني وكامل الموسى والمحياني و أحمد الموسى يجب إحكام الرقابه عليهم لانهم هم مفاتيح الفوز الوحداويه  )
يارب أنصر الهلال المحور الرابع :
ماهي ((رسالتك للأعبين)) بشكل عام أو خاص ؟
وما هي ر((سالتك للجمهور)) لـ حضور المباراه والمسانده لدعم الفريق والوقوف معه ؟
%
% بالنسبه لـ لاعبينا : بأختصار يا لاعبينا هالموسم قدمتوا اللي عليكم وأكثر والضغط راح يخف عليكم في هالبطوله نبغاكم تلعبون بمستوياتكم المعهوده وتمتعونا أما الجمهور : من الأخير خلونا نحتفل ببطولة الدوري في درة الملاعب   .. وتذكروا أي نتيجه تنتهي عليها المباراة لازم نصفق لـ لاعبينا لأنهم أمتعونا هالموسم رغم الضغوط اللي ماحصلت لأي نادي في العالم ( دوري وكاس من قدك ياهلااال )
اخر تعديل كان بواسطة » 20 ياسر الجابر 9 في يوم » 18/04/2008 عند الساعة » 04:32 PM
السبب: شكرا أخوي المجد هلالي
| 