بسم الله الرحمن الرحيم



السلام عليكم ورحمهـ الله


صباح / مساء الخير

كيف القواطي والقوارير ..؟!
ان شاء الله تكونوا احسن مني يارب




قلبي تولع بالرياض .. شوقي وحنيني للرياض

وآآآآآآآآآآآآآآآآآآآآآآآآآآآآآآآهـ يالرياض

ـــــــــــــــــــــــــــــــــــــــــــــــــــ

بدخل بالموضوع على طول << تقل واحد بمسلسل رايح يخطب

أنا جاء براسي انزل موضوع يعني بنزل
قلت مالي إلا اسرد لكم يومي المليء بالمغامرات والأكشن
ومختوم بقلق وعصبيهـ ونرفزهـ وكل ابو شيء وع بالحياة
والسبب زي كل ابو دايم (الفرااااااااااااااااااغ)

..
..

أول شيء اني صحيت بدري يعني تقريبا 5 العصر
صحيت بس للأفس مافيهـ إلا انا اللي بالبيت
الوالدهـ كانت مدري وينهـ
والورعان طالعين مع الوالد

وأنا اجي وانبطح على ذيكـ الكنبهـ (أم ثلاث) << عشان تدرون انهـ الطويلهـ
وأشغل غصب 1 وكان فيها برنامج ( افخم القصور في أوروبا )
و غصب 2 فيها مباراة من الدوري الفرنسي واعادهـ بعد

قلت يا بنت مالتس إلا ترجعين وتخمدين
وهذا اللي صار
إلى بعد صلاة العشاء
غطيت في سبات عمييييييق
صحيت بعدها على شويت تهزيأهـ خفيفهـ يحبها قلبي

..
..

وبعدها بدأ مشوار الملل والطفش والفراغ
رقيت فوق للكمبيوتر قلت خليني أدور لي أكلات سريعهـ اسويها وإلا حلى سريع وإلا شيء يبعد الملل
جلست أفرفر بالمنتديات بس ماحصلت شيء
اللي حصلتهـ رول تونهـ
قلت خلوني أسويهـ
يوم نزلت تحت لقيت مافيهـ توست
وبذاكـ الوقت لو اتصل على البقالهـ ويجوني الساعهـ 11 كان ابوي يذبحني
<< لاحظوا اني وصلت 11 الحين

تعشيت مع الوالد والوالدهـ شوربهـ وسمبوسهـ << تذكرت ايام رمضان

قلت ابي شيء باااااااااااارد
دورت في الثلاجه ماحصلت شيء
رحت وسويت لي كوب كابتشينو << لاحظوا من شهوة بارد لحار

..
..

وبعد ما ابوي راح ينام
فكرت بفوكرهـ جوهانميهـ
قلت لأخواني الصغارين ومعهم ولد عمي :
معكم سياكل ..؟! << لا أحد يقول لي ذا دباب ادري بس ودي أحطهـ
قالوا : ايهـ
قلت: هيا لننظلق
هم : << مايدرون ايش الهرجهـ
قلت : يالله يالله بسابقكم بالسياكل

طلعت وأخذت سكيل وعطيت اخوي السيكل الثاني
قلت يالله بنتسابق
ومسكنا ذاكـ الظريق الطوووووووووويل اللي يهد الحيل << أعذار الهزيمهـ من الحين
طبعا السباق ذهاب واياب <<
قصدي روحهـ ورجعهـ
طبعا وبكل جدارهـ واستحقاق أنا ( خسرت) لكن بفارق بسيط

جاء الدور علي اني اسابق ولد عمي
لكن هالمرهـ أنا (بعد خسرت)

وبعدهـ جاء الدور على اخوي الثاني
لكن المره ذي (فزت عليهـ ) ذهاب واياب

انتهى السباق سليم من غير اصابات
لكني دخلت للبيت وأنا انوااااااااااااااع التعب

..
..

بعدهـا من الطفش جلست اشوف مسلسل ( مشرط ) سوري قصدي ( لحظات حرجه) على غصب 1
<< مشرط .. اتظنز عليهم اذا جلسوا بالعمليات اقالهم صدق مختبين ويصدقون اعمارهم


..
..


بعداها جان الخبر الصاعقهـ
خبر هد كل قواي العقليهـ والبدنيهـ
خبر قتلني إلا خمس دقايق << تسوي اثارهـ
ألا وهو :










سفرنا للرياض (تقريبا) تكنسل


أنا :


وربي ان كل شياطين البشر طلعت قدامي من القهر
كل شيء إلا روحهـ الرياض

بعد هالسالفهـ بديت أحط حرتي باللي قدامي
ويمكن بعضكم لاحظ ردودي ببعض المواضيع

وفيه من ضمن الضحايا
صديقاتي اللي حاطين توبيكاتهم بالمسن عن القصيم
دخلت عليهم وهزأتهم .. وش تبون بالقصيم من زينها
هم :
بعدين اسكت وهم مايتكلمون لانهـ عرفوا ان بي شي لو يتكلمون كلمه يعرضون انفسهم وايميلاتهم للـ ( بلوكـ )

لااااااااا واللي زاد الطين بلهـ
انهم قالوا فيهـ عزيمهـ بعد كم يوم والناس أنا من زماااااااااااااان ماشفتهم من سنين
حاولت ادور لي أعذار منا وإلا منا
لكن رفضوا وغصب علي أروح
يا عالم ما ابي هو الدنيا غصب
خلقهـ ما أحب العزايم لا وكملت الناس ما اعرفهم وروحهـ للرياض مافيهـ
أوالله حالهـ بعد


حالتي استعصت بقوووووووووة
رحت اغسل وجهي وأهدي من روعي
مادريت إلا أنا صايرهـ تقل خبلهـ
احط صابون بيديني وافركهـ بايديني لحد مايصير ابيض بعدين أبدأ اطبع على المرايا
حسيت بشعور غريب
وناااااااااااااسهـ
بس لحقت على عمري وربي ستر ما أحد شافني وغسلتهم
ولا كاني سويت شيء

..
..
بعدين قلت بنزل الاخبار وأحط حرتي فيها
لكن جاء ابو ناصر مشبب وقال انهـ هو يبي ينزلها
قلت أوكي مافيهـ مشاكل أنا انزل يومياتي أجل

رحت وصليت وتعوذت من الشيطان
ونزلت سويت لي سكشوكهـ << انطقوها
وافطرت وتقهويت وعينت من الله خير
وجلست اكتب لكم يومياتي وأمخمخ عليها

والحين اتركـكم في حفظ الله ورعايتهـ << اصلح مدرسة لغهـ عربيهـ
أدري طولت الهذرهـ عليكم

كل أحد وأحدهـ ودهـ يعطي(نن) كف
لكن بعيد عنكم تطولوني < الشر للحين براسهـ


دمتم سالمين << لعيون هلاليه عشان ماتقول ماختمتي الموضوع

وردهوردهوردهورده