نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الهلال كبير .... وجمهورة عاشق .. والبطولة باقيلها ( تكه ) وتجي .. وجمهور جدة مايقصر

ابو طـــــلال · #1 11/04/2008, 06:57 AM

بسم الله الرحمن الرحيم

أعضاء منتدى الزعيم الكرام ...

حبايب قلبي ... شرطي لدخول هالموضوع والمشاركه فيه ان تكون هاديء .. واقعي .. عقلاني .. علشان تقدر تفهم المقصود .. وتقدر تعلق وتناقش بشكل حضاري .. وهذي عادة جمهور الزعيم ..

>> تحس اني خايف من ردودكم

الزعيم دائما هو النادي اللى يعطي دروس مجانية لكل الفرق ..

الزعيم صاحب اكبر الإنجازات على المستوى المحلي والخليجي والعربي والآسيوي

الزعيم صاحب اكبر جماهيريه بالمملكه ولاأبالغ إن قلت على مستوى الخليج والعرب هو الأكثر جماهيرياً

الزعيم الوجه المشرف للكرة السعوديه خارجياً .. والتاريخ يشهد بذلك

الزعيم .. النادي اللذي ينتمى إليه كل متذوق للفن والطرب ... فهل فهمتووني ياعرب ؟

لـــــــــــــــــــكن :

وحط تحت ( لكن ) ذي 47 خط >> عدد بطولات الهلال

لكن : هل سنكون كجمهور مع فريقنا داعمين وحاضرين له في الملعب لو غبنا ( لاسمح الله ) عن البطولات .. لانقول عشر سنوات .. قل لو غبنا عن البطولات ثلاث سنوات ؟؟فقط ؟؟

النصر غاب عن البطولات لكن جمهورة ماغاب .. حضر .. وشجع .. وازر فريقه بكل قوة وحماس وحب ..

ومااعتقد ان محبة جمهور النصر لنصرهم أكثر من عشق جمهورنا لزعيمنا الهلالي .. خصوصا ان هالكيان ماقصر معانا .. ودايم مسعدنا .. بالبطولات .. والمفاجاءات .. وبوجود كوكبه من النجوم المحليين والمحترفين !

مايلحقني شك شخصياً في محبة جمهور الهلال وعشقهم لناديهم ..

لكن قبل أقل من شهر .. حصلنا على بطوله ! وهي بطوله رسميه ( كاس ولي العهد ) وبعدها وفي مباراة رسميه مهمة تحدد بطل الدوري وهي اهم البطولات المحلية .. الحضور الجماهيري قليل ؟!!( أقصد في مباراة الشباب )

النصر غايب عن البطولات عشر سنوات وكان جمهورة مالي الملعب !

مرات ودي ان الهلال يقعد سنتين ماياخذ بطولة .. او ثلاث سنوات .. وفي السنة الثالثه اركز على الحضور الجماهيري !

مااخفيكم اني واثق ثقة تامه بالجمهور الهلالي وبحبهم لناديهم ..

بس ودي اجرب واشوف بعيني ...

أجل تونا ماخذين بطولة .. ولانحضر مباراة.........؟ المفروض اننا مالين الملعب !؟ يعني زعلانين على بطولة الأمير فيصل مثلا ؟

وإلا تشبعتوا من البطولات !؟ وإلا جمهور الهلال قليل في الرياض بحيث ان جمهور الشباب اكثر ؟!

المباراة الجاية بجدة ... وهي بطولة .. ومباراة نهائيه ...

جمهور الهلال أمر بتوسعة ملعب الحزم بعد حضورة الكبير في ملعب الرس ..

نبي يصدر أمر ثاني بتوسعة ملعب جدة .. بحضورة الكبير ...

الهلال كبير .... وجمهورة عاشق .. والبطولة باقيلها ( تكه ) وتجي .. وبصراحه جمهور جدة مايقصر .. لابالحضور ولا بالتشجيع والمؤازره .. ولاهو قصور في باقي المناطق الأخرى

بالتوفيق للزعيم .. ودعواتكم

* اعجبني موقف رئيس الهلال ومباركته للنصراويين البطولة .. وتصاريح كل هلالي بعد البطولة تبيض الوجه

* مشكلة خالد البلطان معنا انه يحارب مع أكثر من جبهة .. والهدف واحد وهو عرقلة الهلال .. كان يحارب من خلال النصر .. وبعدها الإتحاد .. والحين من خلال الشباب .. وكان من خلال الحزم .. وسبحان الله كل هجومه يفشل أمام الهلال .. والكبير كبير

* قلنا ونكرر ان النصر عودته تسعد الهلاليين .. بس اخاف اننا نندم على هالشعور النبيل .. والأخوي .. وتخلص دراهمنا على حبوب البنادول من الصداع اللى ارتحنا منه عشر سنوات

* عبد العزيز الدوسري ... بطل .. وانا معجب فيه .. وفعلا هو بطولة كاس الأمير فيصل .. الله يستر عليه ويحميه

* الفريدي ... اللى يعرفة شخصياً او يقدر يوصلة هالكلمة تكفون يوصلها له وأكون شاكر .. يقوله : الحي يحييك والميت يزيدك غبن

* دعائكم ... حضوركم .. دعمكم ... والتوفيق بيد الله سبحانه .. وعسى الله يكتب لنا هالبطوله يارب

اخوكم الصغير ابو طلال