السلام عليكم ورحمة الله وبركاته .........
يا زعماء من زمان وحنا نشوف ناس تكتب مواضيع عن أشخاص بأنديه ثانيه او مسؤل بالرئاسه
يا زعماء صدقوني اني اقرا هاذي المواضيع واشوف فيها سب وتذميم بشكل ما يتصور حتى وصلت انه يوصفون هاذا الشخص ونتم بكرامه بالكلب
يا جماعه شلون تبون ربي يوفقنا وحنا ناقعدين نسب ونحط بذمتنا اشياء كثيره تضر بديننا قبل اي شي ثاني ؟
يعني موب معقوله كل هاذا حماس انا ما نايب اقول كذا اني اعلمكم لا والله لاكن نصيحه ويمكن اكون تكلمت على اشخاص ما انكر بس ياخي بصراحه الواحد يتعلم وفيه ناس منكم يدري عن هاذا الشي وادري انه لا شاف موضوع فيه سب لشخص او مسؤل او لاعب من نادي ثاني ينقهر لاكن ما بيده حيل
تكفوون يا زعماء هدو شوي وارفعو انفسكم عن الكلام الي ما نجني منه الا سيئات
يعني ممكن نكون مظلومين بأشياء كثيره وممكن يكونون فيه ناس يحضرون شي للهلال وكل غرضهم مضره للنادي وممكن ينجحون وممكن يفشلون لاكن الله قوي وكبير ولا يحب الظلم وكلنا مسلمين وكلنا نعرف هالكلام يعني كلمة ( لا حول ولا قوة الا بالله ) كااافيه
وبعدين عندنا رئيس نادي الهلال وفيه اعضاء شرف ما اتوقع انهم مقصرين ومترصدين لأي شخص يحاول انه يضر الزعيم
اما بالنسبه اني اجي للمنتدى واسب فيصضل عبد الهادي واحط بذمتي أشياء تتعدى الحدود هاذا موب منطق ولا كلام يليق بشبكة الزعيم الي يدخلها اي شخص ويتصفح
من ضمن المواضيع
( شتم رئيس نادي الشباب وفيصل عبد الهادي ومحاولة التشكيك بتعاطي فريق الاتحاد للمنشطات )
حتى لو كنا مختلفين مع خالد البلطان او عبد الهادي او فريق الاتحاد ما توصل الامور اني اسبهم او احط بذمتي شي وأوصفهم بالكلاب الله يكرمكم ياخي لو نروح ونرجع ترانا مسلمين
معليش يمكن طولت عليكم لاكن اتمنى اننا نراجع حساباتنا شوي علشان ربي يوفقنا ونحقق أي بطوله ننافس عليها ............
وإن شاء الله نبارك لبعضنا يوم الاحد بالكأس
الله يوفق الجميع ياااااااارب
