| يا أخي القناة الرياضية !! كل ما قلنا ( عقلوا وبدوا يتطورّون) .. جاك واحدن منهم (مطفـّي النـّور) ومسوّي فيها إثارة .. وحاق أم أمـّها !!
محمد العرفج من شفته يـضبط الحرف الأخير بالشكل !! وترتفع آذانه إذا جاء يحتسي .. هو وشعره هاللي تسنه " شريط مفلوف" !! وأنا غاسل يدي منه !!
أحسّ إني يقدّم ويحس إنه على عهد الأموييـّن !! أنا أقترح عليه يلبس (درع) .. وعمامه .. ويلزق على جبهته " موظف في بيت "إعلام" المسلمين !!
قالبها مسلسل تاريخي !! أوكي أحتس فصحى بس موب عاد تحس إنك مولود بـ بادية بني قينقاع !!
بالله وش ترجون من القناة السعودية الرياضية !!
وش ترجون من مذيعين .. مديرهم " بدر الفرهود" !!
أنتم تناظرون برنامجهم اللي يجي قبل المباريات ؟! أنتم تشوفون " الظرافة " وإلا أنا بلحالي أشوفها ؟!
جايينك اثنين وقايلين لهم اللي ما يضحك !! نبي ندخل عليه بالاستديو بـ صنخ ونلعن خيّر خيره !! طبعا (الصنخ هو العسيب المقشّر) !!
فتشوفوهم .. السلام عليكم خخخخ .. كم توقع تفوزون خخخخخ ؟ انت هلالي والا نصراوي خخخخخ ؟!
بالله ذولا مذيعين ؟!
محمد العرفج يا رجال المفروض " مصحح لغوي " ماله دخل في الرياضة أبد !! ومن شفته يقلقل الحرف الأخير .. ويمدّه بمقدار حركتين فأكثر وأنا غاسل يدي منه !! وكل حتسيه إدغام بغنة !! وبدون غنه !!
قالبها (تجويد) الله يجزاه خير !!
برايفت محمد العرفج :
يا أخي ( حلـّق الله يرحم أمك ) !! وإلا إنك ألبس مع التكميلة (طاقية) !! لأن شكل شوشتك يضيّق الصدر .. يا أخي يا أخي ترا بعدين يبي يجيك عيال !! وشينه تجرحهم عند زملائهم !!
أنا من شفت عيونك داخلات على بعض .. وأنا داري إن ما في راسك !! وبعدين وراك وأنت تقدّم مطلّع سنونك كنك واحد يبي (ياكل ذره ) !! يخوك ترانا نسمع !! موب لازم يوصل فكك إلى صدر الضيف !!
ومسوي لاقطها وهي طايرة !! و أن محمد بن فيصل هو اللي غيّر العنبر !! سؤال بالله ( يالإعلامي البارز ) ممكن ؟! موب الواجب تتأكد من معلومتك أنت وهالباروكة اللي أنت لابس !!
لأن فيه (مشاهدين واعين) وفيه ناس من (العامـة ) يسمعون كلامك !! وبما أن إدارة القناة (أعطتك الثقة) بنقل الحقيقة للمشاهد !! فالواجب الركادة أنت وحجاجك هاللي آخذن نص وجهك !!
وش يضرّك لو رحت تسأل محمد بن فيصل !! عن هالتغيير .. يا أخي ( استوقف محمد بن فيصل ) واسأله عن اللي صار !! وخل عنك الفلسفة !! والسبق الصحفي اللي جاب فيك العيد !!
أنا من شفت آذانك هالصغار اللي تسنهن ( قوقعة) وأنا داري إنك تبي تجيب العيد بأي لحظة .. مدري ليه أحس إنهم يربطون لك المكرفون بـ شطرطون حق كراتين تمر !! عشان ما يزلق من آذانك هالصغار !!
لذلك ( تحـّر المصداقية ) أنت وشوشك !!  | 