بسم الله الرحمن الرحيم ..

اعضاء منتدى الزعيم الكرام ...

تحية طيبة ... مساء غير عادي .. أدري وش تحسون فيه .. مو متعودين على فقدان بطولة .. مو متعودين على الهزيمه ..


عموما سجلت لكم بعض المطالب .. واتمنى القى التجاوب والتفاعل والقبول.. منكم :

المطالبات :

1 -

اطالب بتطبيق اقصى العقوبات وأشدها ضد اعتداء ذلك الشخص في أمن ملعب الملك فهد واللذي ظهر للجميع في إعتداءه على مراسل قناة الــ ART وهو يقوم بعمله ..

إعتدار سافر ... ظالم .. همجي .. والعقوبه لجميع من اشترك في ركل وضرب المراسل .. حتى معاقبه من تسبب في الفتنة وإشعالها ...

اكرر مطالبتي بالعقوبه مهما كانت ميوله .. ووظيفته .. وجنسه .. وجنسيته .. ودينه ومذهبه .. فقد امتهن انسانية هذا الشاب بشكل غبي ... متعجرف ..

وسنرى في الأيام المقبله مايخرج من تبرير لما حصل .. ( العاده )

علما بأن المراسل الآن في مركز الشرطه !!!!! شي عجيب ( تتصفق وتروح انت للشرطه )؟


=========

2-

أطالب بإعتزال الكابتن محمد الدعيع وترك الكره الآن :

وذالك بعد المستوى الرائع اللذي قدمه ابن اخيه بدر الدعيع .. اخطبوط جديد ..

نقولك يابو عبد العزيز .. الحين ترى سامحين لك طالما اهديتنا هالحارس اللى بإذن الله بيسد مكانك .. ولو ان مكانك مااحد يسده ياعميد لاعبين العالم

=========

3 -

اطالب بتهنئه النصر لحصولة على بطولة الأمير فيصل بن فهد أمام الهلال :

وذلك بما للأنديه الأخرى من حق مشروع في الحصول على البطولات .. مثلها .. مثل هلالنا ..
بس المشكله ان زعيمنا كوووش على كل شي .. صرنا نبي كل شي ؟؟

طبعا لا ... الأندية الأخرى ايضاً تعمل .. تشتغل .. تدفع أموال .. تتمرن .. والتوفيق بيد الله سبحانه

==========

4 -

أطالب الإداره الهلاليه ممثلة بالأمير محمد بن فيصل .. بتشجيع هؤلاء الشباب والوقوف معهم في طريقهم القادم فهم مستقبل الهلال .. وعدم القسوة . رغم الأخطاء ... والأمير محمد بن فيصل من غير وصاة .. عقلاني وواعي مع اللاعبين رغم الخسارة ... وهؤلاء الشباب هم انفسهم سيسجلون اساميهم من ذهب في عصر الذهب القادم للهلال بإذن الله ..

==========

5 -

اطالب بسؤال جماعي من جماهير الهلال للمستفيد .. أو المستفيدين من خسارة الهلال لهذه البطوله ..

سؤالي هو ( مستانسين بس ؟) لكل من :



و



و



و



الله يزيدكم وناسه ... والهلال مايوقف لو وقف قدامه جيش مسلح .. متحد .. حاقد .. أسهل ماعليه يتعداه ... وياما تعدى الصعاب .. والوعد قدام والبطولات الجايه أكبر دليل بإذن الله .. وبيننا وبينكم

===========

6 -

عبد العزيز الدوسري ... مستقبل نجم قادم بقوة .. احب هالنوعية من اللاعبين .. ربي يحفظه

كل لاعبي الهلال قدموا مستوى رائع .. جمهور اروع في حضوره ومؤازرته ... جهاز فني وإداري على قدر كبير من العمل الإحترافي الواضح ..


============

في الختام ..

صحيح لي تحفظ على سياسة قناة الـ ART وإخراجها .. وتعليقها وأشياء كثيره فيها تقليل من حجم انديه على حساب اندية اخرى ..

لكن ماشهدته اليوم من إعتداء على المذيع الشاب جعلني احزن بشدة لما حدث له .. من اهانه لكرامته .. وفي المقابل موظفين الأمن اللذين يلاحقونه وكأنه أحد أفراد الفئة الضاله !!!!!؟؟

لاحول ولا قوة إلا بالله ...

لماذا يحدث هذا .. ومن اجل ماذا ؟؟

والله راحت الهيبة ... ورحمة الله عليك يابو نواف ..؟


=============

زعمائنا الكرام

البطولة راحت .. وانا والله مثلكم حزين .. لكن كم بطوله لازم نحصل عليها علشان نرضى .؟
النادي الوحيد اللى كان حتى قبل ساعتين ينافس على ثلاث بطولات ؟؟ يعني كل بطولات الموسم ؟؟
اخذنا وحده .. وصلنا للنهائي في الثانيه وراحت .. باقي وحده ؟ وربي يوفقنا وناخذها

والمطالبه الأخيرة :

عدم التجريح في أي لاعب هلالي .. والنقد يكون للمستوى وليس للجانب الشخصي او الشكل وغيره !
رغم ان المستوى رائع .. لكن مااقدر اغصب احد في وجهة نظري .. لك وجهات نظر .؟ اوكيه تقدر تقولها بس من غير تجريح .. ولا تميلح ..

وقفتكم ياأبطال ... والدوري طعمة احلى ..


اخوكم الصغير ابو طلال