نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - البطوله نبيها .... هالبطوله دامها قدام النصر نبيها ..لجمع كل بطولات الموسم ان شاء الله

ابو طـــــلال · #1 24/03/2008, 06:49 AM

بسم الله الرحمن الرحيم

احبتي ....... أدري انكم داخلين واللى بشومه واللى ببونيه .. واللى بيده عجرا .. واللى شايل مطوى !!

واللى داخل يقول :: وين اوقع فيه !! مصدق !! على نياته

هاالمسج وصلني .. ظحكت شوي عليه .. وكان نصة : أخي هذا المسج لن يأخذ معك دقيقه ... انشره جزاك الله خير ولنبداء بحملة ( المليون توقيع للمطابلة بالتنازل عن البطولة ) والتنازل هنا بتوقيع ( وطلبه ) بإهداء هالكأس هذه المره للنصر .. وذالك بحق الجيرة .. والصداقه .. وذكريات المنافسه القديمه ...

المسج وصلني يوم السبت ... يوم الأحد قابلت نصراوي .. يقولي ( مايصح إلا الصحيح ياحبيبي )

وصديقي يكرر هالكلمه من عشر سنوات

مابعد صار شي .. والتصريحات قادمه من الجار ...

بيني وبينكم .. انا عن نفسي ( وحشتني ) هالمنافسه .. وهالتصريحات .. اللى بيننا وبينهم ...

فقدنا قيمة لقاء الديربي ... قطبي العاصمه تلاشاء واحد من الأقطاب ..

التنافس مطلوب ... حتى في الدول .. القوى العضمى كانت بين الولايات المتحدة .. والإتحاد السوفيتي ..
لكن بعد سقوط الإتحاد السوفيتي .. اصبحت القوى العضمى للهلال فقط .. ( اقصد لأمريكا ) مما يعطي نظرة السيطرة .. والهيمنه على الكل ...

لاندخل كثيراً بالسياسه ..

لكن .. التنافس مطلوب .. الهلال يعود من جديد لمنافسه القديم النصر بعد انتهاء التنافس بيننا ( زعيم )و بين الإتحاد .. والشباب .. والأهلي .. هانحن نعود للمنافسه معك يانصر ..

يبدوا بأن طعم التنافس واللقاء أجمل معك النصر .. ومع جمهور النصر .. بحكم ان لكل عشرة هلاليين نصراوي ..
وبحكم ان في بيت كل سعودي .. هلالي ونصراوي .. غالباً .. أكثر من تنوع الفرق الأخرى ..

من هنا أقول .. الله يعين على تصريحات الشايب ( ابوي ) .. وأخوي الكبير .. نصراويين ..

في العمل .. الألسن جاهزه لكل مطب .. ولكل زلة .. حتى للتسحيبة في الملعب .. بيكون عليها الف رساله ومسج .. وموضوع في منتديات .. وغالبا ( مثبت )

الهلال يبدوا انه تشبع من هالبطولات .. لكن بعد هالبطوله دامها قدام النصر بس نبيها ..

وسالفة ( حملة المليون توقيع ) نأجلها شوي .. ويمكن تتكنسل .. أو تتبدل إلى :

( حملة المليون توقيع لجمع كل بطولات الموسم )

النصر لن يرحم تخاذلك ... والتاريخ يسجل .. والحسابه بتحسب ..

البطوله نبيها ...... واي انجاز نبيه ..... حتى لو تنزل بطوله بلايستيشن .. ويشارك الهلال فيها .. نبيه ..

وعلى قولة طارق العلي ( أ بيييييييييييييييييه ) ونبي البطوله ..

ونخلي حملة التواقيع للشكر والعرفان للإدارة والاعبين تحقيق هالكم الهائل من البطولات بعد نهايه الموسم بإذن الله

ونقول مايصح إلا الصحيح يابو فهد

دمتم في رعاية الله وحفظه

والدعاء للهلال بالتوفيق والفوز بجميع البطولات القادمه

اخوكم الصغير ابو طلال