معصي

نعم معصي وألف معصي
هذا الرد الذي المفروض أرد على عنوان موضوعي هذا ===> اما" الذي المفروض" ماتجي

ياحليلك يالنصر

ما اقول الا مثل ماقال سلامة العبدالله رحمه الله
اووووووووه يالنصر هع


فعلا كان النصر يحتضر في مباراة الشباب

حتى الشباب لابسين اسود مجهزين جنازته
والظاهر ان الجنازة تأجلت
وكما قال ظفر الله المؤذن هالفوز جاء مثل بالون الاوكسجين للنصر انعشهم شوي ولكن لن يدوم بمشيئة الله .

لان الزعيم بإذن الله هو الذي سيطلق رصاصة الرحمة وسيقضي عليهم قضاء مبرحا

اتوقع ان النصراويين مهوب مصدقين انهم تأهلوا للمنصة ===> منيب قايل للكأس حدهم المنصة والتشرف بالسلام ...الخ


الكأس بإذن الواحد الأحد ازرقاني بقيادة القناص والتايب والشبيبه الطيبه

ولكن لانستهين بفريق النصر حتى لو كان النصر نفسه يبي يلعب ضدنا بالنهائي ==> فهمتوا شيء

ياخوفي من شيء واحد فقط الا وهو الحكم

قد وأقول قد ..

قد تكون البطولة مطبوخة لاخواننا المجاعة في النصر

وكما قال الرشيد في مقاله "بالمنشار " هذي بطولة نبيك تفوز

والله لو يفوز النصر على الهلال بعيد الشر

يااااااااااااااه أحس يبي يرجع جمهور للنصر جمهور مغبر سبق ان اعتزل تشجيع النصر
واحتضر وتبخر


عموما يقول المثل الافغاني "من حصل شيء يستاهله "

والنصر سيلعب برجلينه ويدينه وقرونه علشان هالبطولة يحققها

وخاصة ان فيه وعد لهم بمكافأة خمسين ألف لكل لاعب


تحذير للاعبين الهلال :

انتبهوا يازعماء كان شفتوا النصر ملزمين على البطولة لحد انه ممكن ينهون مسيرتكم الرياضية بالخشونه
عطوهم البطولة ===> انا داري منتب سامعين كلامي ياشريرين


وشكرا لحسن قرائتكم وتصبحون على خير