هههههههههههههههههههههههههههههههه

أنزّه قلمي (إني أفتح موضوع يخصه) والحمد لله إني لقيت موضوع مفتوح .. ويحتريني !!

بدر الفرهود .. أنت تسأل الناس عن (ردة فعلهم إذا شافوا برنامجكم - أقصد الناس الواعية ) موب عيال خالتك وعمتك ؟! ترا ذولا (بيعدمونك أكثر من أنهم يقيمونك) !! أقسم بالله بحياتي ما قد (رحمت مذيع) مثلك !!

أحسّك (نكبة) !! أنت وذا الموسيقى الرعب اللي حاطها في برنامجك كنها (صوت مكينة ددسن يبغاله تغيير بواجي) !!

قلنا لك وتعبنا .. بس إنك ما تاخذ العلم !! أنت ومصادرك اللي تسنها وجهك !! إعنبو بليسك .. برنامج طويل عريض .. ما فيه ولا سؤال (مبني على ميثاق) أو "تسجيل إقتباس من مقطع تلفزيوني" أو (إثبات من مقصوصة في جريدة) !!

بعطيك معلومة على الطاير ولا تفسرها غلط !! لأني أدري إنك راز وجهك الحين في هالموضوع !! لكن تدري إن (السلق البوليسية أو "الكلاب البوليسية" ) تخضع لعملية تدريب معقدة !! لإتقان عملها !! وتحري "الدقة" فيه .. !!وانصحك ترجع لمصادر الكتب في كلية نايف الأمنية !! أو حتى في الانترنت وتبحث عن أشهر كلب بوليسي اللي هو (ريتز) !! هذا (الكلب) تلقى تربية من نوعية خاصة .. وحياة طويلة عريضة بالانجازات وتحري الدقة !! تخيلّ يا (بدر) !! كلب ومع ذلك يستخدمونه في كتائب عسكرية !! ويكنون له كل التقدير والاحترام !! لأنه ببساطة (يبحث عن الحقيقة بطرق مقننة !! ) وأثبت (جدارته في تخصصه) !!


بدر صدقني .. ترابط الأفكار عندك (من جنبها) !! و تسأل وتجاوب على نفسك !! وتلف وتدور ..وتضحّك المشاهد عليك وأنت (فاق خشتك ولا تدري وش الطبخه) !! وإلا (برنامج من أول سؤال إلى آخر سؤال .. وهو قائم على تجميع الاشاعات من "شلة بدّوري" ومصادره الخاصة (اللي تسنها وجهه) !!

مذيع .. وحاشمينك العالم !! وملبسينك شماغ .. وسماعة أكبر من أذنك .. وداهنين خشتك بـ(لابيلو كرز) .. وآخرتها ( ولا سؤال يقدمّ للمشاهد ما يرضيه ) !! وبرنامج تدفع عليه (الألوف) وهو بالأخير (قائم على الإشاعات) والحشو !! والاصطناع !! والبربسة !! على هالحالة أجل تقديم البرامج ما يبغى له شيء !!

أكلف ما علينا نجيب (أبو فنه اللي في طاش ما طاش) .. ونشتري له ماصة من الحراج !! ونطق له ثوبين (دفة) .. ونجيبه ياخذ لقاءات مع اللاعبين !! أقل شيء !! يبي يصير وراه (رجال) !! تجيب له الأسئلة اللي تجمد على الشارب !! موب اسئلة (بزارين مقاهي أبو هيثم) !!

وين المهنية !!
وين التأدب وانتقاء الألفاظ المناسبة !!
وين تحري المصداقية !!
وين كشف الحقائق وتسليط الضوء على "حاجة المشاهد" !!
وين الفائدة المرجوة من البرنامج !! صدقني (ترزز وتميلح) وأنت من جنبها !!

لكن (أنا فيذا جالس لك .. لحد ما يتحسن مستواك .. بعدها بنصفق لك !! ) لكن إذا غيرنا مررّ لك (هالخربطة الفاضية ) .. و (الاستعراض الشخصي قدام العالم وأنت ما في راسك ) !! فهذا ما نرفضه .. لأننا نعي دورنا تماما !! لكنك ( من أسباب عزوف الكثير عن متابعة قنواتنا الرياضية ) !! لأنك ببساطة (( ممل !! ولا تملك أبجديات الحوار !! ولا تملك صفات المذيع الناجح من سرعة بديهة وغيرها !! ))

بدر - وأنا أدري انك ذاب وجهك في هالرد - أحب أقول لك .. أرجع للحلقة .. وركز في الاسئلة اللي يستطرد فيها (الدعيع) وشف (خشاتك الأليمة) !! تبي تحس إنك (جاف فكريا) !! وأدبيا !! وإعلاميا !!

صدقني لولا (وجهك) والله ما جلست على هالكرسي !! لأنك (مهزلة بحق قناتنا الرياضية) !! يالظريف !! يا راعي التحجير أنت !! ..


- على الطاير عشان أوضح لكم الفرق بين دقة (ريتز) السلوقي !! وبين (بدوّري) :
"طبعا هذي نماذج من خشات بدوري يا حنووووونوو" !!

إقتباس 1- في الموسم الماضي بعد النهائي تقول اسقط الهلال بفعل فاعل !! (( من تقول ؟! ليش))

بالله يا جماعة ذا مذيع !!

إقتباس 2- هل صحيح بينك وبين رئيس النادي فجوة ؟!

والمشكلة تو الدعيع مخلص كلام .. عن روح محمد بن فيصل والعلاقة الحميمة اللي بينهم !!

إقتباس 3- كلمنا عن الشللية في نادي الهلال !! و حزب ياسر !! وعزيز !! والغامدي !!

وجاوبه (الدعيع) بكل برود وثقة .. بالمنطق والعقل !! وعلاقته المميزة مع الكل .. ولو كان فيه فجوات ما وصل الهلال لما وصل اليه الان !!
بعدها على طول قال :

إقتباس 4- طيب وش سر الخلاف بينك وبين نواف التمياط !!

أبقسه يا جماعة ؟!


لكن استشفيت من حواره !!! إنه يبغى أي زلة !! وعزفه - بغباء - على وتر " الفرقة بين اللاعبين" .. لأنه ما يهمه يخاطب (عقلية المشاهد) ويحترم فكره !! فقط جاي (يسولف سواليف بزارين) !! ولا أردى منه إلا اللي يناظر برامجه !! وصدقوني لو استمر (بدوري) على هالرتم !! سنظل " نشخل" وجهه !! إلى أن يحترمنا !! ويقدم المادة العلمية المطلوبة والمفروضة عليه !!