 | إقتباس |  | | |  |
الرسالة الأصلية كتبت بواسطة ابو هدى الهلالي |  | | | | | | | | |
مغااط نبي نشوف نمونة هالمواضيع بالحاره يا مغاط 
...
صباح يوم الجمعة الماضي حلمت إن الهلال بيفوز على الشباب واحد صفر وماذكرت اسم اللاعب اللي بيسجل هدف لأني نسيته ، وبالفعل فاز الهلال واحد صفر بهدف لاعب شبابي  وراهنت على هالنتيجة ولكن للأسف إن المشرف هلالي توب مزع الموضوع للقراشيع  بحكم إني ما سيّرت على دستور القسم ومن امس وانا راقد وكل ما اصحى ارقد مرتن ثانيه كود احلم بنتيجة المباراة عموماً لا نمت بوافيكم بأحلامي أول بأول 
عساك ع القوة يا بطل | |  | |  | | هلابك .. أنتم لو تخلون عنكم الحلوم وتحضرون تسان تغدون وش زينكم .. حياك الله ومنور يا بعدي .. على طاري القراشيع : اذكر مرة عام 1413 مباراة الهلال والشباب .. وأنا جايك للملعب وطاق الفروة .. وبيجامة صوف .. ومدبّل الشرابات .. ولابس طاقيتين .. اللي يشوفني يقول المباراة بـ(الاسكيمو) ..<-- القطب المتجمد المهم اني جالس بجنب واحد كنه اول مرة يشرب شاهي .. اتوقع الى الدقيقة 17 الشوط الاول شرب يجي (زمزمية شاهي) ما شاءالله عليه .. المهم شوي الا يوم جت هجمة . وأنا أقوم بشوف وش السالفة !! يوم جلست  واحس ان فيه حرورة تحت يوم طليت واثر كاس الشاهي حق اللي جنبي انكبّ .. وأنا جلست عليه التفت عليه !! واثر الضعّيف مرتاع ..!! وفيه الصيحة !! قلت : ورا ما صقعتني بالكاس احسن !! قال والله موب قصدي !! المهم اني (رطست) بذيك المباراة !! وتعرفون فروة !! وبيجامة الصوف يبي لها (يومين) عشان تنشف !! وتبهذلت بذيك المباراة .. وكل ما طاحت عيني بعين اللي كاب علي الشاهي .. قال لي : والله اسف !! وأنا زودتنا كل شوي اناظره واقول لا حول ولا قوة الا بالله !! ابغاه يحس بتأنيب الضمير ولا عاد يتطيفق
اخر تعديل كان بواسطة » مغاط في يوم » 07/03/2008 عند الساعة » 08:59 AM | 