هلا بمغاط الوناسة وهذي عشان الموضوع الرزه

إقتباس خلينا يفحج على القير

هذي وش معناها لاهنت تراني ماني عارف وش معناها .

إقتباس لدرجة يوم وصلنا صلبوخ

من اللغة الى الجغرافيا صلبوخ هذي مدينة على ما أعتقد الحقني اذا كنت غلطان . وبعدين مالقيوا يسمونها إلا صلبوخ

إقتباس فشماغي اللي يشوفه يقول شكله معطيه بزارين يلعبون فيه (مسابقة شد الحبل) متعرفط

بالعاميه مكرفس يعني كأن بقره مشغته بفمها على العموم تذكرني بمره ايام التطبيق في ثانوية الفتح بأبها تعرف الدوام 6.30 والشماغ مادري من لعب فيه واظطريت اداومه بس زين أني الحصة الأولى فاضي ورحت للكواي
بعد ماوقعت على دفتر الحضور لأن الكوايين مايفتحوا إلا سبعه وعلى بال مايجهز البخار خذلك نص ساعه .

إقتباس ولو تشوفون كتوف سعود من بعيد اللي يشوفه يقول من أخويا بندر بن محمد

يعني الحين كل ذا وناشب بخويك سعود متأكد إنك ماسويت مثله ....

إقتباس واثره منطلق يحيي الجمهور مع الجهه الثانية !! اللي يشوفه يقول هو اللي جايب التعادل

ههههه اجل ذا لو سجل هدف بجد كيف بيصير وضعه .

إقتباس قلت : عضو شرف الله يحييك

ياعيني عين مندوب الولايات المتحده الأمريكية وسفير البرتغال على هالتصريف . وش دخل ذولي طيب ‘ اش دراني

إقتباس والله العظيم ما يخلوني عضو شرف ولا لنادي حطيّن

وش رايك تصير عضو شرف بنادي حارتنا . بس بياكلون قريشاتك على الفاضي كل يوم يروحون بهزيمه خمسه وسته أهداف ومسوين فيها إدارة ومدرب ولاعبين

إقتباس المهم الضعيّف خاف .. ولا قال لي شي

هههههههههههههه ياخي حرام عليك ضحكت عليه .

إقتباس قلت الحين لو يتفلت علينا ذا هو وخشمه .. ويقطع له عسيب ويموسرنا !!

عشان كذا انا لارحت بأطفال معاي اعلمهم على نبذ التعصب ووأقول كلنا اندية تمثل الوطن . هذا ياطويل من الضعافه
بس تبي الصدق شكلك فله لو يموسرك انت وعيال اخوك .

إقتباس وأنا اللي انزّل راسي باخر سرعتي وتنطبع الكندرة بوجه واحد من العيال

ههههههههه لو انا مكانه بعرف اتسنع فيك وقتها وادبر رأسك زين .

إقتباس وبعدين أنا ثوبي توني مفصلة .. انت ثوبك شايفه عليك أولة العام

تذكرني بهالموقف بهوشه طلابية في نفس المدرسة المذكوره آنفا تهاوشو مجموعه من الطلاب تقريبا سبعا انا ثوبي جديد والطلاب يأستاذ فك الهوشه وانا من بسالتي رح ناديت مدرس بالصف اللي جنبي قلتله الحق معاي الطلاب متهاوشين . ومن بعيد بعيد رست على عقالي اللي ضربت فية الطلاب وخويي المدرس ثوبه انشق من الجيب وطاح جواله ومحفظته وكل الأوراق اللي كانت بالجيب . ههههههه

إقتباس قلت له يخوك داري أنت واياه عقالي تحتكم وخروا !! وبدت المباراة وانا القّط عفشي !!

ههههه لو انا شايفك بهالموقف كان وريتك شغلك كل مادب يدك ابصفق عليها واقولك بس ياولد .

إقتباس والله القصص في النهائيات واجد .. واسمحوا لي على هالمصالة وهالاطالة .. لكن تلبية لطلبات البعض

عوافي عليك مغاط وسامحني ياخوك على التعليقات وبصراحه موضوعك فله مررره


بالنسبة لهذا

إقتباس مشكووووووووووووووووووووووووووووووووووووووووووووووور

انا بتعامل معه بشكل نظامي فور انتهائي من الرد عليك ولاتشيل هم بالمره وبعدين انا مثلك انا اقص يدي اذا هذا قرا الموضوع .



اخوك : أبو عبدالله