جمهور الهلال الكبير....وزوار منتدانا العريق...وشلونكم طيبين هو صحيح الهلال فاز؟....لا ما اصدق....لا والله قسم بالله فاز... بدون طارق...ايه....بدون ياسر.... ايه....بـ هلادارة ...ايه....لا لا لا والله الهلال عظيم...

هذا قلبي يسولف مع عقلي بعد المباراة <<<طيب وشد خلنا

يووووووه ياني طربان ...يوووووووه ياني منتشيري...اقصد منتشي....<<<لاتحمس تكفى

الهلال امس ايها الساده...اعطى درس لـ امثالي ولكل من لا يعي وزن الهلال وامجاده...واثبت ان تواجده في النهائيات اصبح عاده..
نرجع ريوس شوي ونبدأ بالتشكيل اللي حطه كوزمين
الذياب والمرشدي و تفاريس و العنقري (اوووو) قدامهم الخثران وعزيز وعمر(يالبا قلبه) والفريدي والشلهوب وقدامهم ليلو...

لحضه لحضه انا قلت الفريدي !!!! ايه الفريدي اللي صال وجال واثبت ان الكرة موهبه تدعمها الخبرة وليس العكس..بصراحه لاعب خطير لولا العيوب الصغيرة في الاحتفاظ بالكورة والتسليم اللي ان شاء الله بتقضي عليها الخبرة.

كوزمين...لله درك يا زلمه....قسم بالله عرفت وشلون تلعبها يابطل

الدعيع....وه بس وجودك مهم واثبت ان نزول مستواك كان وقتي والتألق هو المعتاد...واسألوا كماتشو المجنون اجل يبي يجيب فاول عالي على ابو دعدع مناك بس

تفاريس....ياخي وهقتنا معاك لان دفاعنا من غيرك سلطه ...الهلال مع هالاعب بين خيارين يا يجدد له يا يجددله اختار من هالكلمتين<<< طلعلي شنب عبد الله الرويش

خالد عزيزلي <<يقاله على وزن مكللي...عزيز انت لاعب كبير واهم اسم في خارطة الهلال والمنتخب السعودي (برأيي)...بس الله يهديك صرت تحتفظ بالكورة من تالي( الله يرج التايب دشر اللعيبه) اتمنى انك تخفف منها خصوصا ان مهمتك افتكاك الكرة وتمريرها للصانع اللعب.

عمر فيرا الغامدي...ترى صدق كذا اسمه لان فيرا عنده ولدين واحد اسمه باترك والثاني عمر عاد فيرا الغامدي قرر يسافر لفرنسا اما عمر قال خلوني بتكي في الرياض <<<يرحم امك لا عاد تمدح...... بصراحه مباراة بعد مباراة وموسم بعد موسم يثبت انه ترمومتر الهلال....اذا كان في يومه فاللي يلعب مع الهلال اكيد مو يومه ( هاردلك ياولا ياعبدو يابتاع الترعه ومايهونش الولا كماتشو بتاع عربية الفول)

ليلو يارجل تفننت في قتل الهجمات اليوم....بس صدقني مازلت اشعر ان لديك الكثير والكثير خصوصا وانك صغير بالسن وحليوه << الاولى بلعنها الثانيه صعبه.

بقية اللاعبين ....يعطيكم العافيه على هالقتاليه
الهلال اليوم بدع حتى بالكروت الصفر كانت كلها بمكانها ولم تحرم احد من المشاركة بالنهائي...

بندر بن محمد....شكرا شكرا شكرا ياليت كل الناس بندر بن محمد.

ياسر و طارق...نتظركم بالنهائي املنا بكم كبير خصوصا ان الدوري قرب يطير...حطوا الهلال قبل كل شي وقتها بس سيجمع عليكم الجماهير كما اجمعت على يوسف وسامي وتفاريس وغيرهم...الموهبة واحدها لا تكفي لكي تكون رمز لنادي او كيان كالهلال....الهلال فعل لكم الكثير فكيف ستردون الجميل.


اكيد راجعلكم بموضوع بعد النهائي اللي اتمنى ان الفرحه ما تخدرنا عنه...

على طاري النهائي...تصدوقون ودي نلعب مع الاهلي والاتفاق...لان الاهلي ماش ما بردة كبودنا هزيمته بجدة...والاتفاق ودنا نلعب معه عشان نرد خروجنا بهدفهم الرخيص...فعشان كذا راح نقول للاهلي يا مرحبمبك وللاتفاق هوذي السواعه المبوارك..على اساس اختلاف اللهجات


وهذي ضغطه لنشر الموضوع <<<ما يقلد احد ابد (الله يذكرك بالخير يابو سارة)

--------------------------------------------------------------------------------