هذي آخر ما توصلت إليه ثقافة بعض جماهير الأندية المنافسة ... و فين الكلام هذا يصير؟؟؟

تعالوا نشوف إيش اللي حاصل؟؟

و أنا بتصفح موقع الفيفا شفت موضوع (زي ساحة نقاش) حول مين أفضل لاعب في الإتحاد الآسيوي لكرة القدم .. فيعرض الموضوع بعض اللاعبين البارزين في النسخة الأخيرة من كأس آسيا 2007

(الصين) Zheng Zhi (نادي تشارلتون أتليتيك الإنجليزي)
(كوريا الجنوبية) Park Ji-Sung (نادي مانشيستر يونايتد الإنجليزي)
(السعودية) Yassir Al-Qahtani (الهلال السعودي)
(العراق) Younis Mahmoud (الغرافة القطري)
(أستراليا) Tim Cahill (إيفرتون الإنجليزي)
(اليابان) Shunsuke Nakamura (سيلتيك الأسكتلندي)

و جايبن لك شرح عن كل لاعب و إيش مميزاته و إسهاماته مع فريقه و منتخبه ... فالمطلوب منك إنك تقرأ الموضوع و تحط رد و تشوف مين من بين هؤلاء اللاعبين اللي تحس إنه هو لاعب آسيا الأفضل

فتعال شوف إيش كاتب أخونا في الله ...

طبعا الإسم واضح ... إتحادي

ما قلنا شي على عيني و على راسي ... كلنا أبناء بلد واحدة

اللي مو على عيني و لا على راسي كلامه و هذي ترجمة الكلام :

"مهدي مهديفيكيا لعب 10 سنوات بشكل رائع في البونديز ليجا (معروف إنه الدوري الألماني) و يقدم مباريات رائعة .. من قدر يسوي كذا من لاعبي آسيا؟ "

يعني معظم الردود كانت كل واحد يمجد لاعب بلده و في واحد إيراني خرشها و قال مهديفيكيا فجاء أخونا في الله و كمل معاه ..

المشكلة لمن أعطيك أسماء و أقول لك مين من بين هؤلاء هو الأجدر و الأفضل في نظرك؟
تجي و تشطح و تجيب واحد ما هو من الموضوع؟؟؟؟

و هذا رابط الصفحة

إنزل آخر شي و إضغط على View all comments عشان تشوف الردود كلها

==================================================
يعني لو انه قايل( تيم كاهيل ) لاعب استراليا كان قلنا معليش ياسر مجننه .. بس يشطح مرة واحدة ويجيب واحد من جيبه؟؟

صحيح إن مهديفيكيا لاعب ممتاز و أثبت نفسه بادائه كأنجح تجارب الإحتراف الآسيوي في أوروبا

لكن ويييييييييييييييييييين رايح خوينا الإتحادي؟؟؟

عموماً عوافي و حصل خير ...

=====================================================
ترجمة ما ذكر عن الكابتن ياسر القحطاني :

"هو لاعب السنة للإتحاد الآسيوي , و لاعب نادي الهلال السعودي" الملقب بالقناص" , أحرز 4 أهداف في كأس آسيا الأخيرة بالإضافة إلى تدعيمه لمكانته بوصفه الوريث الحقيقي لأسطورة التهديف سامي الجابر."

طبعا هم غلطانين كاتبين ياسر الجابر
يمكن قصدهم عشان الوريث حتى إسمه يورثه

ما ظنتي يغلطوا في إسمك يا بو عبد الله .. كيف يغلطوا فيه و انت اللي يا ما رددت بإسمك صفحاتهم و مواقعهم .. و حتى شباكهم

:
:
:
:
V
و لنا لقاء قريب بإذن الله