|
الاخـطـاء الـتـي قـتـلـت الــهــلال هـي ............................!!
السلام عليكم ورحمة الله و بركاته هاردلك لكل هلالي ع النتيجه الغير متوقعه اكيد الكثير مناا قبل لا ينام قعد يحسب كم باقي للهلال من مباريات و لو يفوز فيها كلها راح ياخذ الدوري و الامانى كثيره بالهلال واللي تحسر ع المباراه و خسارة نقطتين ثمينه بصراحه يازعماء اخطاء المباراه البارح لا تغتفر بداية هذه الاخطاء : كوزمين !! الخطاء الاول / للاسف المدرب اسقط الهلال قبل بداية المباراه بتصريحه لا احد الصحف و انتقاد الدوري السعودي فريقك ياكوزمين منافس قوي على البطولات الثلاث وتطلع بتصريح لن يغير من الاتحاد السعودي شئ بعكس راح يكون سلبي ع لاعبين الهلال لانك صنعت لهم الاعذار المفروض من ادارة الهلال تمنع التصاريح من الاعبين كيف المدرب !! الخطاء الثاني / الواضح من التشكليه الاساسيه التي لعبت بها المباراه ان المدرب وضع هذه المباراه استعداد لمشاركة الهلال في كاس الامير فيصل !! فريق يطمح في الحصول ع الدوري تجعل مباراه مهمه نقاطها استعداد لكاس الامير فيصل بن فهد !! في اعتقادي الشخصي و اتمنى ان اكون مخطي ان المدرب يحاول الوصول الى البطوله الاسهل وتحقيق اي بطولة و التنازل عن بطولة الدوري !! اذا كان هذا تفكيره لن نطول اي بطولة هذا الموسم تنتازل عن البطوله الاكبر يا كوزمين ************** اللي يسال عن سبب فقد الهلال لنقاط مباراته في حالة لعبه في الرياض و ع ارضه و بين جماهيره البعض منكم قال سبب فقد النقاط بسبب عدم حضور الجماهير بالرياض لمساندة الهلال !! الهلال ضد الكويت الكويتى حضر اكثر من 65 الف متفرج رغم هذا تعادل الهلال الهلال ضد الوحده الاماراتى حضر اكثر من 75 الف متفرج خسر الهلال هذه المباراه الهلال ضد الاهلى السعودي في الدور الاول الجمهور كان حاضر رغم هذا خسر الهلال الاسباب ما تعلق بالحضور الجماهيري الاسباب هي : الاول / في داخل الاعبين ان المباراه مضمونه لانها تلعب في الرياض!! الثاني / ان الاعبين اذا لعبوا اي مباراه في الرياض لا يدخلون جو المباراه شلون و كيف ؟!!؟ انا بسال الكل قبل مباراة الهلال و القادسيه من من اعضاء الشرف كلف نفسه و حضر تدريبات الازرق و طالب بالفوز بالمباراه لا يوجد احد بعكس مباراة الهلال و النصر تواجد كثيف من اعضاء الشرف و ايضآ امام الاهلى واذا كان الفريق في مباراة خارج الرياض تجد الجماهير في استقبالهم في المطار مما يجعلهم في جو المباراه قبل بدايتها بعكس في الرياض الاتهاد شوفوا حضور اعضاء الشرف لهم قبل مباراة الاتفاق حتى حضورهم في ملعب الدمام لانهم يعرفون اهمية نقاط المباراه و راح تشوفون دعم غير طبيعي للاتهاد في كل المباريات بعكس الهلال للاسف *************** الكوره حتى الان في ملعب الهلال والكل يذكر الدوري الاسبانى العام الماضي كانت البطولة قريبه جدآ من برشلونه والكل توقع ان البطولة سوف تذهب له وفي اخر مباراه ذهب البطولة لريال مدريد يعنى ما فيه شئ صعب والعمل الجاد هو اللي يوصل الهلال للقمه  الـــــــــهــــلال  | 