| اللي خارج الرياض ماتجيهم المباراة الا مرة في الموسم عشان كذا متحمسين .. نشوف ذا الكلام لو ان نصف المباريات عندهم
وبعدين الحضور مو إجباري اللي مايبي بكيفه هو حر الهلال مو بحاجته
أنا أقولها لك بكل صراحه .. كل مباراة في الرياض أحضرها وآخرها اليوم حضرت .. ولاتقولون مو برد الا موووت انتم جالسين عند الدفايات وتقولون جاء الربيع .. روح الملعب شوف كيف الجو .. ومع ذلك مو عذر اني اترك الهلال عشان البرد أو أي سبب ثاني .. بالعكس حضرت .. لكن اللي شفت مو شويه .. لاعبين يلعبون بدون روووح ولا تركيز كأنهم ضامنين الثلاث نقاط وأنا عين عليهم في الملعب وعين على ياسر وطارق كل أملي فيهم أنتظرهم يحمون عشان يدخلون .. وللأسف مثلهم مثل غيرهم .. لاعبين ينتظرون الكوره تجيهم مايبحثون عن الكوره ولما انتهى الوقت وبدأ الوقت بدل الضائع بدو يشتغلون .. خلاص ياعمي اذا فات الفوت ماينفع الصوت .. اذا هذا القادسية وسوينا كذا كيف بنقابل الشباب والاتفاق والاتحاد وحتى الحزم .. ياخي اذا ما احترمت الخصم شي طبيعي بتخسر حتى لو كانوا لاعبينك نجوم ولا تنسى ان القادسية المباراة تعتبر مهمه لهم .. لكن ما أقول الا الله يوفقنا بالجايات اذا لعبنا بروووح وتركيز واحترام للخصم
يعني مو كل شي على الجماهير قسم بالله حنجرتي راحت وش تبوننا نسوي ندخل نلعب معاهم .. آخر زمن الجماهير سبب الخسارة حلوه ذي واللاعبين وش عليهم يصير .. الشكوى لله
وبعدين لاتقول جماهير الرياض لأن مو كلهم سوا حرام تظلمهم .. يعني هذا آخر شي نشوفه
وتبي الصراحه نفخنااااهم لين ما انفقعوا .. وانت افهمها عاد لاجماهير ولاغيره
وبالأخير بقولك .. هالكلام مايهمني .. ومادمت قادر على الحضور بحضر كل مباراة مو عشانكم سبيتونا .. عشان الزعيـــم  | 