|
قالوا عنه أسواء لاعب مر على النادي .. وأنا أقول كبيرهم اللي علمهم ...
مساء الخير يازعماء !. في البداية أسال الله أن يكتب لنا الفوز هذا اليوم ونفرح جميعا  بتجاوز عقبة التماسيح في شي ودي أقوله لكم ومشغلني من مدة ما أدري أحد يتفق معي في هالشي أو يخالفني الرأي طبعا اللي خائف منه لا مالك ولا غيرة ويمكن يستغرب الجميع هالشي فمالك معاذ على فكرة يبرز في مباراة ويختفي في الاخرى فمنذ بداية الموسم لم يثبت على مستوى واحد وهذا اللي مطمني بإختفاءه هذا اليوم  الشي الوحيد اللي مشغلني من مدة ويشتد يوم بعد يوم هي خشونة لاعبي الاهلي في جميع المباريات اللي شاهدتها لهم عجب عجب ياجماعة الخير مدري كيف مايتوقف النادي كله فبالامس رأيت مباراتهم مع الطائي وحصول أحد لاعيبتهم على كرت أحمر ذكرني بدخول اللاعب على محمد الدعيع في مباراة الدور الاول وكذلك ذكرني بإصابة نواف التمياط اللي أتمنى أن نراه في الملاعب قريبا ويعود بمستوى نواف 2000إن شاء الله  ياجماهير الزعيم لاعبين الاهلي فيهم خشونة زائده فالاعب عندما ياخذ كبرى أو ينشطف بباص عيون تقوم القيامة عنده وماعاد تشوفه غير يدور رجل اللاعب الخصم والله يستر والدليل حتى في المباريات الودية اللي لعبوها قبل مدة مع المحرق البحريني تحصل الابن المدلل في النادي حسين عبدالغني على كرت أحمر .. كرت أحمر في مباراة ودية ياعيباااااه ياشيخ اللي أبي أحذر منه هو عدم ميل لاعبي الهلال للاستعراض كثيرا ... لان لاعبية الاهلي من اللي يستفزون بسرعه وأخاف من السويسري يجاملهم الليله ويخاف من صيحات الجماهير خوفي على لاعيبتنا من الاصابات .. تمنيت أن هدف الفوز يأتي في الدقائق الاخيرة ، وبعدها يصفر الحكم ونسلم منهم ــ خلوا بالكم من هؤلاء ... (إبراهيم هزازي )اللي حتى جماهير ناديه ماتحبه وتصفه بأسواء لاعب مر على النادي أخلاقا ولعباَ والكل شاف الحركة الغير اخلاقيه في مباراة الديربي بين الاتحاد والاهلي في الدور الاول وش سوى مع المنتشري . والكثير الكثير (حمود عباس )اللي ما أدري راح يوقف في مباراة اليوم أو مايشمله الكرت الاحمر .. لعب في مباراتين وأخذ كرت أحمر في واحدة وسلم في مباراة الهلال في الدور الاول (وليد عبد ربه .).. والكل شاف وش صار مع أحمد مناور لاعب الحزم (حسين عبدالغني )كبيرهم اللي علمهم الخشونة .. والعمدة بتاع كله اللاعب البرازيلي ما أعرف أسمه اللي لعب في أول مباراة مع الشباب وشال مارتنيز ورماه وراءه الله يستر منهم ... وياخوفي نشوف اليوم عض وبكس .. وأنبراشات يارب أبعد عن لاعيبة الهلال الاصابات ، ووفق زعيمنا وأكتب لنا الفوز في هذا المساء لاتقرأ وترحل أخي العضو ،،،، شاركنا برأيك
اخر تعديل كان بواسطة » ياحبنيلك يالهلال في يوم » 18/02/2008 عند الساعة » 01:09 PM | 