اخوي هذي وجهة نظرك بالنسبه لك انت تشوفها صحيحه وللاسف بنظري خاطئه 100%

بتقولي ليـش بقوولك...،،

اول حاجـه..

إقتباس ثم لماذا لاتترك الفريق الاولمبي وتركز فقط على الفريق الاول بالرغم من انني غير مقتنع فيك كمدرب

ليه منتب مقتنع فيه كمدرب ؟ اجل جاي وش يسوي هو هنا...اذا انت مو مقتنع فيه ولا غيرك...الاداره ما اختارته الا انه مدرب جيـد...حتى لو كان سجلـه مهب مميز...ياما يجيك لاعبين ومدربين سجلاتهم مميزه ... ولا يقدمون اي حاجه معآك ؟ صح كلامي ولا لا ؟

إقتباس انا احاسب رئيس النادي اللي ضيع بطولات كثيره وجلب ايضا بطولات كثيره

وش دخل رئيس النادي بضيآع البطولات...تبيه بعصى سحريه يجيب الفوز بكل المباريآت ؟
اخوي رئيس النادي قدم اللي عنده...في الموسم اللي راح وهالموسم...بس نبي شوية حظ ... وربي يكفي لاعبينا شر الاصابات اللي مو مخليتنا بحالنا...

إقتباس *تعاقده مع لاعب صغير بالسن برازيلي لم يترك اي اثر للهلال

من هالناحيه انا معاك تعاقد مع برونو...كان خطأ بالاسآس..

إقتباس *اختلافه مع البطي وطارق السديري وهم من حقق البطولات وارتياح اللاعبين لهم

من طارق السديري ؟ الظاهر قصدك طارق التويجري..؟
وبعدين طارق التويجري طلع وصرح مابينه وبين رئيس الهلال اي شي حتى انه يروح من الهلال بسبته...والبطي كذالك..

إقتباس *مشكلة كالون وتاخير النادي في التعاقد مع لاعبين مهرة

اي مشكله في كالون..؟ رئيس الهلال ماقصر بأي حاجه...جاب كالون بس بفعل فاعل خلاه يطلع من الريآض
ومن عقبه خلاص عافة النفس منه ولا عاد نبيه...ولا نبي عبد المآل...
وش يدريك بكره بنهائي احد يرشيه ولا شي ومايلعب في المباراة كلها وانت بأمس الحاجه له..

إقتباس *التعاقد مع ليلو الفاشل الذي لم يضيف شيئا جديدا للهلال وصغر سنه وفلسفته في اللعب لاتفيد الزعيم

ليلو لاعب صغير في السن بوجهة نظري وصحيح انه للحين ماقدم شي يشفع له بس على الاقل انه يفكك الدفاع ويبعدهم عن ياسر ويريح ياسر احيانا... ( ننتظر عودة احمد الصويلح )
وليلو راح يفيدك الموسم القادم بوجهة نظري بما اننا نملك بطاقته حاليـا

إقتباس واخيرا الطامة الكبرى الخسارة الكبرى من فريق الشباب باربعة اهداف بعد ماكان الهلال متقدما بهدف

اخوي قبل ما تعاتب المدرب من هالمباراة بسألك سؤال هجوم الهلال مين ؟
العنبر والسعود ؟ > من وين تبي الفوز اخوي وهذولي الهجوم ؟ العنبر صدق نفسه بعد ما لعب من المنتخب وجاب هدف في كوريا ع ما اذكر > هدفه اللي طاروا فيه الاعلام والولد من عقبها ضآع من سبت الاعلام...
والسعود صح انه لاعب صغير بس بسالك اخوي امس الكور اللي ضيعها سلطان السعود وش رايك فيها دامك شايف المباراة ؟ خصوصا الثانيه الانفراديه للاني شفت الاولى بين الشوطين مالحقت على الاول كنت نايم ؟
شفت الثاني وللاسف شفت هجمات سلطان السعود اللي ضيعها وغسلت يدي خصوصا يوم طب العنبر معاه قمت من التلفزيون ورحت العب بلوت مع العيال...للاني عارف خلاص ماراح يسوون شي دام هذولي الهجوم..

إقتباس يجب ان تجلس مع المدرب او تحاسبه وانا هنا اعلن بان الهلال لن يحقق اي بطولة مع هذا المدرب

تحاسب المدرب على ايش ؟ على جدولة الدوري الغبيه ؟ حاط مباراة المنتخب الاربعاء > طيب اجلوا مباراة الخميس والجمعه لوقت ثاني او اتركوا مباراة الجمعه او الخميس والثانيه اجلوها > هذا من ناحيه
والناحيه الثانيه الاصابات اخوي ؟ المدرب وش بيده اذا اللاعبين مصابين ؟ وش تبيه يسوي يعني؟ يلعبهم وهم مصابين ؟ الظاهر انك مو متابع للنادي ولا عرفت ازمت الاصابات...واللاعبين وينهم...وليه لاعب باللاعبين الباقين..

إقتباس الكلام يطول ياكوزمين ............نتمنى ان لانخسر غداً من النصر .. وان يوفق الله الزعيم

المباراة سواء مدرب كوزمين او غيره...المباراة مكتوب من اول من راح يفوز فيها لا انا ولا انت ولا كوزمين يقدر يعدل هالشي...مالك الا تدعي ان ربك يوفق الهلال غدآ...وان اللاعبين يكونون حاظرين بكامل تركيزهم الذهني والبدني في المباراة....وان يكون الحظ معنا...مو ضدنا....ويلعبون بروح الفريق الواحد..وقتها اضمن لك ان شاء الله ان الفوز بيد الزعيم...

إقتباس اما انت ياكوزمن..............................................(((( سترحل ليس الان ولكن قريبا))))))))

لست انت او انا من يقرر رحيل كوزمين...الاداره هي اللي تحدد وبالنسبه لي...اتمنى بقاءه للموسم المقبل واللي بعده...

إقتباس وجهة نظر .......ارجو من الجميع احترامها ...... وان يكون النقد هادف......قد اكون مخطئا واتمنى ذلك ويكون المدرب على الصواب عندها ساعتذر للمدرب اذا كان كلامي خطا.......... ولكن ان ملتزم به.

كلنا ياخوي له وجهة نظر بس مافيه مدرب بالعالم ما يخسر او تمر عليه ظروف صعبه اخوي انا ما ابي من ناحية العاطفه تقرر...انت شوف وضع المباراة ومين الموجود من اللاعبين وكم تفصل مباراة المنتخب عن مباراة النصر + مباراة الشباب عن النصر...شوف الوقت اللي يفصل بينهم ...،، واللاعبين الموجودين والمصابين...وقتها صدقني بتعذر المدرب...
وكلن له وجهة نظر...

إقتباس المهم فوز الهلال غداً..... والله يوفق الزعيم

الله يسمع منك اخوي...ان شاء الله يفوز الزعيم غدآ

واتمنى انك لا قلت حاجه تقول ( ان شاء الله )...تحقق...

وباذن الله راح يصير هالشي...

تقبل تحيآتي اخووي..