نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - لم يكن يوسف مدعواً أم سقط سهواً من قائمة المدعوين في حفل إعتزال سامي ؟

9 حروف تخضع لسامي 9 · #50 27/01/2008, 11:36 PM

بسم الله الرحمن الرحيم

مساء الخير...
خليني انا اضرب لك مثال

انت على وشك زواج طبعاً طبعت تذاكر الزواج بكل امانه انت اللي بتروح توزعهم؟؟
اكيد ماراح توزع الا لصحابك واللي تشوفهم كل يوم اما غيرهم اكيد بتوكل فيها احد من اخوانك
تخيل قبل زواجك بكم بيومين بتروح انت بنفسك توزع الدعوات والا بتشوف شغلك وتكمل اللي ناقصك؟
فيه مثال ثاني وخلنا نتكلم بصراحه طبعاً كلنا عارفين انو يوسف ماطبع دعوات

ووجها الدعوه عامه
فرضنا ان يوسف طبع بهذيك الفتره تتوقع يوسف راح يوزع بنفسه الدعوه؟؟؟ بتقول ليش مايوزعها
على راسه ريشه بقول لك بكل بساطه عنده اشياء واشغال ثانيه واولها انو راح لقطر عشان
يستعد بالتمارين من اجل مهرجان اعتزاله

مافي احد طلع وقال ليه ماطبعت وليه مادعيت لكن سبحان الله الشخص اللي يطبع ويقدر تفتح له
مواضيع بعدم الوفاء...
بالنسبه للكابتن اللي قال ان السنترال كلمه طبعاً هل نحط اللوم على سامي؟؟؟
او على اللجنه المنظمه المفروض على الاقل ترسلها بالبريد الا اذا كان عندهم عذر
مانعرف ظروف احد يمكن كان جدولهم مشغول اوغيرها والمفروض من الكابتن يقدر ويحط
نفسه بمثل هالظروف

....
حتى بمجمل حياتنا وحفلاتنا الخاصه مهما رتبنا وخططنا وحاولنا نكون بالقمه لابد من حصول
اخطاء وخلينا نقول مكالمة السنترال من الاخطاء لكن ارجع واكرر ماحد يعرف الظروف

نرجع لموضوع ذكر الاسماء انت لك حق تعاتب اذا سامي شكر كل اللاعبين وهمش يوسف
او جحد جهود يوسف لكن انو شكر لكل وجيت تطالب بشكر يوسف وحده فاسمح لي انت غلطان
معناتها بينكر جهود اولاد التمياط والتيماوي وابو ثين وغيرهم...
ارجع واقول لك انت كنت تطالب بدعوه وفتحت موضوع عشان تستفسر اذا سامي وجه دعوه
ليوسف او لا ولما جبنا لك الاثبات طلعت بموضوع ثاني ليش سامي ماذكر وشكر يوسف

جا برد ك بعض الغمز واللمز واتوقع انو على سامي وهنا عرفت انك بس تحاول اثارة جماهير
اللاعبين ...وتسبب بينهم الفتن...
صدقني ظلمت يوسف باقحامك له وكانك تستجدي احد يشكره حتى لو كان هالانسان سامي

اقسم بالله ذكرتني بحال النصر وهم يستجدون الانديه الثانيه باقامه حفل لماجد

مشكلتكم تكتبون وتقحمون نجومكم وتفردون عضلاتكم لكن للاسف على حسب يوسف وغيره من النجوم
يوسف ماحد ينكر انجازاته ووقفاته مع سامي وغيره وسامي عمره ماانكر احد وبنفس
الوقت هو بشر معرض للنسيان والخطاء عشان كذا فضل ذكر الجميع بدون تحديد اسماء

بالنسبه للتبرعات هذا شي بينه وبين ربه ماتوقع انه عشان اعلام وصحافه بيتبرع

واذا
كان رايك كذا اجل حتى الشلهوب وياسر ونواف وسعد الحارثي وغيرهم من النجوم اذا قاموا
بزيارات للجمعيات الخيريه والتبرع بس من اجل الاعلام

صفوا النيه هذا بدال مانقول جزاهم
الله خير وكثر الله من امثالهم وعوضهم الله ...
اما عادل عبدالرحيم صح الفكره فكرة عبدالرحمن بن مساعد وليس عبدالله ومع ذلك
ماهي هذا اللي اقصدها بموضوع الغشيان
هذي الحادثه كانت قبل سنوات

كنت دايم اقول سامي كبير وماالكبير الا الله لكن من بعد هالمواضيع ومنتديات النصر
ومافيها عن سامي ادركت انو فيه ناس مريضين بشي اسمه سامي
حتى لو كح مااستغرب انو بينفتح موضوع وتقولون ليش ياسامي تكح

اخوي وانا على اتم الاستعداد بمناقشتك واقناعي بوجود حقائق غائبه موشرط هنا عندك
صندوق الرسايل خذ راحتك