بصراحه وبكل اريحيه اقولها كل من طلع وتكلم عن اقاله المدرب سواء من محللين او اعضاء بالمنتدي
ماعندهم سالفه واقولها الف مره وبكل مره ينزل موضوع عن المدرب واقالته راح اقوله للي كتبه
برضو ماعندك سالفه
يا أخوان الهلال متقدم بهدف وبمتوسطى دفاع غير مستقرين جنب بعض يمكن مباراتان او ثلاث
مباريات لعبوا فيها جانب بعض وغير كذا المباراه ليست في ارض الهلال وفريق يلعب بـ 10 دفاع
وتبى المدرب يفتح لعب !!
ياخي لو جاء فيك هدف في هالوقت وجاء التعادل وقفلو وش بتسوي لو انت مدرب ؟
تروح تستأذن من تشلسي وتأخذ لامبارد والا كاكا من الميلان !!
يا أخوان المدرب يدخل بفريق ولاعبين وتشكيله وفق الموجود لديه وإمكانيات الاعبين يعني انتو
مو واثقيين بالمفرج دفاع او بالعنقري وشلون تبي المدرب يفتح الملعب وهذا دفاعك
اذا كان الواحد فيكم يتكلم بمنطق كره القدم لا تنسى انك بالدوري السعودي
ثاني شي واللي فاقع مرارتي هالمحللين اللي يجي ويسوي نفسه كابيلو ياخي وش انت عشان تجي
وتقيم مدرب سواء كان كوزمين والا غيره .. وعلي قوله المثل لو فيك خير مارماك الطير
يعني بتأخذ بكلام هالمحللين !! ياخي وش رايك تجيبهم بعد وتخلي كل واحد فيهم يدرب الهلال شهر !!
والله وبكل صراحه انا غير مقتنع بتاتاً بقصه التحليل العربي والسعودي بشكل خاص لانه غير كفؤ
والا يجي خالد الشنيف والا ماجد والا حتى ابو يعقوب يقيم مدرب له خبره مع فرق كبيره بالدوريات
الاوربيه ويقول انه مايصلح !! والادهي والآمر صالح الحمادي محلل رياضي ؟ سبحان الله بس
زبده الكلااااام .. المدرب كوويس وانشالله يستمر مع الهلال لفتره طويله والاقلام اللي تطالب بإقاله
المدرب في هالوقت بالذات ماعندها سالفه ولاهي طالبه مصلحه الهلال وآسف ع الإطاله :>
