((+18 )) .... بين السرة والركبة
السلام عليكم ورحمة الله وبركاتة
الله لا يصبحكم الا بالخير يا أهل المجلس
المعذرة أن فيها ثقاله طلتي عليكم
بحكم البرد اللي يهد الحيل في الرياض اليوم , قررت ما أطلع للملحق وأجلس في المجلس أتابع التلفزيون .
المهم وأنا ((أفتر )) بين القنوات طاحت عيني على مسلسل (( الله يخارجنا )) فيه من المشاهد الفضائحية ما الله به عليم .
المهم لقط أسم المسلسل وسيرت على (( قوقل )) وقلت له دونك هالأسم شف لنا (( مويته )) ماقصر هـ (( القوقل )) رز قدام عيوني العلم .
(( مسلسل )) جنسي , أجمل وصف وجدته له (( مسلسل بين السره والركبة )) لما احتواه من إسفاف وفجور في مشاهده .
مراهق (( مطيح )) عند الخدامة يتحين الفرصة عشان (( يضرب ضربته )) .
مراهق (( أخربها )) مع بنت خالته والوضع ماشي معهم (( أأأأأوكي )) والوعد الصيف الجاي (( نزين الوضع )) .
بنت تبي الازدهار الوظيفي والمالي (( أعمتها )) مع مديرها (( ومافيه اي أشكاليه عندها ))
و......................... و........................ و.......................
مسلسل أخذ على عاتقه تعليم (( الكيفية الآآآآآآآآمنه )) لممارسات الرذيلة دون وجل أو خوف من مفتعليها يعني مثل (( التعزيز للمهجول )) .
مسلسل (( فضيحة )) وأي فضيحة ألا مفروض يكتبون عند عرضه (( للزاحفين )) وصل صداه على ما أعتقد لأعلى سلطة في تلك الدولة بعد أن (( استشعر )) رجال البلد الاصليين خطره على سمعة البلد وقبل ذلك على أهل البلد.
ومن زين الطبايع لقيت (( تعليق )) من إحدى ابطال رواية (( بين السرة والركبة )) تقول المفروض نلقى دعم من المجتمع الخليجي على تبني مثل ها القضايا (( فديت قلب من وصلني لشوشتها )) .
والسؤال اللي (( يقرقع )) بقلبي معقوله المؤلف ما لقى من ايجابيات البلد أي شي يكتب عنه غير هـ الفضيحة
يبقى الأهم يا عيال
كل واحد منكم (( يسنع )) رسيفر (( الصالة )) تراكم مسئولين قدام ربكم عن اهاليكم .
يا حلو قناة (( بداية )) و (( المجد )) وقنوات الخليج المحافظة وأن بغيت تخربها افلام أكشن دونك (( السودان )) <<<< تخصص افلام أكشن ونادرة الوجود بعد .
المعذرة منكم يا شباب على طوالة الحكي هنا
محبكم خالد
