بسم الله الرحمن الرحيم

كثرت المواضيع اللي تحسب النقاط والمباريات القادمة للهلال
والتبشير بأن الهلال سيحصل على البطولة

بصراحة هؤلاء يضرون النادي أكثر من ما ينفعونه

ياناس ببطولة البريمر ليق
الدوري الانجليزي
الأرسنال كان متأخر عن مانشستر بمباراة
ومانشستر الأول بفرق نقطة
وكان جمهور المدفعجية يتحدث بأن الدوري طار!!!

وهنا متأخرين بفرق نقاط مو نقطة
ومع كذا ضامنين البطولة

صحيح أن الدوري بنظام النقاط جديد
عشان كذا لازم كم موسم عشان تعرف الجماهير والإدارة التعامل مع الدوري بنظامه الجديد

ومو بس الجماهير
أبو عبدالعزيز
محمد الدعيع
يقول بتصريحه على الأي آر تي
لا تزعلون يالجماهير حنا أقل الأندية خسارة نقاط


وأنا أقول للجماهير وللإدارة وللاعبين
أتوقع سيحصل الهلال على المركز الثاني ولا أتمنى ذلك
ولكن إن استمرينا بتفكيرنا بنخسر أكثر وأكثر
بحسبة بسيطة

1- الهلال متأخر عن الاتحاد (بأكثر من 3 نقاط)
يعني ما تكفي هزيمه واحده للاتحاد عشان نتصدر

2- الهلال قادم مبارياته مع فرق المقدمة بالدوري
بينما الاتحاد خلص كم فريق

3- المباريات القليلة لن يكون هناك أي لاعب من الأولومبي بسبب انضمامهم لمنتخب الأولمبي
يعني لا الزوري ولا الكلثم ولا الفريدي ولا الغنام ولا الدوسري
وكذلك الصويلح اصابه

4- وهي النقطة اللي أتوقع تحسم الدوري
أغلب مباريات الهلال القادمة خارج أرضه
بينما أغلب مباريات الاتحاد القادمة على أرضة
ولا تتوقعونها سهله
يعني الاتحاد مريح ويتدرب على كيفه أما الهلال من مدينه الى مدينه
والبركة في اتحاد الكرة

5- المستوى الهلالي مايطمن بينما المستوى الاتحادي في ارتفاع

وكتبتها باللون الأحمر عشان الكل ينتبه
وأن الأمر صعب علينا


وأنا ماكتبت الموضوع مو للاحباط

لكن للتوضيح أن الأمر مو بالسهوله اللي تتخيلونها
يعني لازم الجهود تكون مضاعفة
وتذكرون الحماس أيام بطولة آسيا للأندية
نبغاه الوقت هذا
والاعداد يكون مضاعف للمباريات القادمة
عشان نلحق بالصدارة البعيييدة حسب اعتقادي

ورجاء اللي شايف الحصول على الصدارة سهل
لا يكتب موضوع عشان مايسهلها بعيون اللاعبين وتضيع علينا


ختاما فيه نقطة
الكثير طالب بتغيير المدرب

أنا أقول وش استفدنا العام الماضي
جبنا أفضل المدربين ولا نفعونا
كل واحد نمسكه شهرين ويمشي

وحنا الحمد لله تجاوزنا هالمطالبات
وأتمنى أن إدارتنا تجاوزت هالفكر
وأتمنى أن البقية يرتقون بفكرهم
مو كل ماطق عود بحصاة قالوا غيرو المدرب




محبكم الدائم
رساوي برساوي