مشاهدة مشاركة بصفحة مستقلة
  #1  
قديم 04/01/2008, 04:23 AM
ازرق وابيض ازرق وابيض غير متواجد حالياً
زعيــم فعــال
تاريخ التسجيل: 17/12/2000
المكان: الرياض
مشاركات: 466
... ويقولون ليه جمهور الزعيم كبير ؟ ...

السلام عليكم ..


بالحقيقه مدري كيف ابدا بهالموضوع ؟

لكني اليوم اشعر بالفخر لأني انتمي لجمهور الزعيم


باختصار تدرون ليه كتبت هالموضوع ؟


امس كانت منتديات جماهير النصر محتفيه وطربانه بهزيمة الزعيم ( العاديه ) من الاهلي . دخلت منتداهم ولقيت اكثر من عشرة مواضيع بالصفحه الاولى يتطنزون ويتمسخرون بهزيمة الزعيم .
لدرجة ان العقلاء بمنتداهم قالوا يا جماعه والله عيب وما يصير هذا منتدى النصر واغلب المواضيع بالهلال !!

شي عجيب وغريب ملاحفتهم ومنافشتهم لكل صغيره وكبيره عن الزعيم .

اليوم انهزموا شر هزيمه من الاتحاد وبالاربعه صفر ..

دخلت موقع الزعيم وما لقيت اي مواضيع عن النصر ولا تمسخر ولا حتى ربع اللي سووا امس في منتداهم .

تدرون لييييش يا جمهزر الزعيم ؟

لأنكم تقفون خلف فريق عظيم ومالي عينكم .


يمكن يكون واحد والا اثنين كتبوا مواضيع ردا على النصراويين بس انحذفت من المشرفين وهنا اقول شكرا للمشرفين اللي حرصوا على جعل هالمنتدى للحديث عن الزعيم وبسس .

نقطه اخيره .. :


الهلال فريق مثل اي فريق بالعالم يفوز ويخسر ويتعادل .. والحمد لله انه فريق عظيم يحقق البطولات والفوز غالبا .. لكن طبيعي انه يزعل جمهوره على اي خساره لكن ليه ما يكون زعلنا طبيعي وعقلاني وبعيد عن السب والشتم ؟!

عشان كذا اقترح ان اللي يشوف ان زعله كبير وما يقدر يسيطر عليه اقترح انه يروح ينام افضل
اضافة رد مع اقتباس