اول شي السلام عليكم . . .

هي كلمتين ابي اقولها بس . . .

ياناس ياعالم ، مين الفريق اللي ما يخسر ؟؟؟

ريال مدريد انصك خمسه بداية الموسم وهو الحين المتصدر . . .

لكن الفرق هناك يحلون المشكلة بطريقة صح . . .

حنا هنا نبكي يومين ونصارخ و نطالب وبعدها و لا كأن شي صار !!!

ياناس . . .

المشكلة مو ان الفريق ماكان في مستواه بس. . .

ما انكر هذا الشي . . .

لكن يا جماعة الخير أسلووووب اللعب سيئ جدا . .

لو تلاحظون الفريق كله على حسب طارق التايب . . .

مخلين مهمة صناعة اللعب له وحده . . .

تخيلوا صناعة اللعب عند لاعب واحد !!!

طبعا كل المدربين الكبار يعرفون ان هذا اكبر خطأ . . .

لكن فيه لعيبه اسلوب لعبهم فردي . . .

مو اناني لأ فردي . . .

يعني لاعب ما يلعب في منظومة فريق كامل بقدر مايلعب بفكره لوحده . . .

طارق التاب هذا اسلوب لعبه . . .

مع احترامي للجميع . . .

التايب لا سرعة ولا التحام وتعالي على الكورة . . .

تكفون يا شباب افهموني . . .

والله داري انه فنان . . .

لكن هذا ما ينفع . . .

اذا انتم تبون استعراض وكعوب خلاص ،، خلوه . . .

واذا تبون البطولات بدلوا . . .

غيروا الستايل , , ,

كماتشو ما كانت عنده مهارة التايب . . .

لكنه كان لاعب مؤثر ، لاعب حاسم ،، لاعب يصنع الفوز . . .

والمنتدى هنا فاضين..((اوووه الحقوا مقاس جزمة التايب)) (( الحقوا رقم التايب السابق))

يا جماعة الخير ما اتمنى تتحول القضية إلى دفاع وهجوم . . .

والله ما اكرهه بالعكس يطربني أداءه . . .

لكن خلااااص !!!!

المفرج . . .

يرحم والديك اللي جابوك . . .

تكفى انا طالبك . . .

قل تم . . .

اترك الفريق يرحم والديك خلاص . . .

وش يفيدنا تبدع في مباراة وتجيب العيد في عشر !!!

والله اننا قاعدين نتعذب كل يوم . . .

الهجمة لنا وقلوبنا تدق لأننا دارين ان ظهرنا مكشوف !!!

يا فهد والله نحبك بس تكفى بادلنا الشعور !!!

عطوه مقدم عقد 10 ملايين وخلوه احنياط بس فكونا . . .

في دول العالم كلها الجماهير تطالب بالأسماء والمدربين يستعينون بالوجوه الواعده . . .

إلا في الهلال ! ! !

العكس . . .

نقووولهم تكفون فكونا من المستهلكين !!! نقولهم نبي لعيبه صغار !!!

لكن كالعاده راميننا على الهامش !!

نطالب بنواف العابد ونقول نحب نواف التمياط بس تكفون لا يلعب . . .

تفاريس أثبت اليوم أنه مو مدافع مساك . . .

لكنه مدافع منطقة . . . بس لمتى يتحمل خانته وخانة المفرج . . .

الهجمة المرتدة أكثر من بطييييييييييييييييئة . . .

تقول لعب حواري . . .

الأهلي في ست ثواني ينفذ المرتدة . . .

و الهلال في دقيقتين !!

يا ناس أعيد و أكرر على اسلوب لعبنا هذا والله ماراح نفلح . . .

اللي قاهرني اني اشوف الخطأ قداام عيني !!! قدام عيني !!!

و مع هذا أتجرع مرارة الحسرة في كل مرة من نفس المشكلة . . .

صورة مع التحية للجهازين الفني و الإداري في نادي الهلال . . .