كفاااااكم غرووووووور يا لاعبين الهلال بدون مقدمات وكلام بلا طعم
لاعبينا فيهم غرور مافيه مثله في الانديه الثانيه
والله ثم والله مغرورين الواحد منهم يسحب رجوله في المباره
شوفو كيف لاعبين الانديه الثانيه يلهثوون لهث في الملعب
لاعبين عالميين بمئات الملايين بالدولار ولاتكبرو واغترو مثلهم
انا من الرياض ولا حظرت المباره لاني ورربي عارف ان اليوم بيصير شي والسبب غرور لاعبينا
ابي اعرف المعسكرات وذا الحوسه اللي سويناها بدايه الموسم وش فايدتها !!!!
......
محمد بن فيصل لاينكر جمايلك الا جاحد
بس الموسم اللي راح و الموسم هذا اسمحلي ابي اعرف وش موقعك في النادي !!!
لاتمارين تحظر ولاصفقات تبيض الوجه ولا حماس
قهر الواحد ينطق في الملعب من العصر والنهايه لا لاعبين ولا رئيس كلهم بااااردين
على العموم ياليت نعدل اخطائنا قبل لايطيح الفاس على الراس |