نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الـحـقـيـقـة المره :جمهور الهلال مقبرة الاعبين!!!

خليفة سامي · #1 01/01/2008, 01:38 PM

بسم الله الرحمن الرحيم

كل عام وانتم بخير والله يجعلها سنه حلوه للجميع ولاترون فيها مكروه ويجعلها سنة بطولات هلاليه

بعد 2007 سنة الجفاااااء ان شاء الله ...اما بعد:
قد يستغرب البعض من موضوعي هذا وبعضهم يبدأ عندهم شغل الذيابه ويقولون مندس او من هالخربطه

...

الجانب الأول :

في الأونه الاخيره كثرة انتقادات الجمهور للاعبي الفريق فالاعب مجرد ان ينخفض مستواه يبدا الجمهور يكشر عن انيابه ويبدأون انتقاداتهم اللاذعة

والغير مبرره بل وصل بعضهم للتشكيك في الاعب ووصفه بالمتخاذل والطامه الكبرى انهم يطلبون بتنسيق الاعب مثل ماحدث مع النجم الخلوق نواف
التمياط بمجرد انه انخفض مستواه وكأنهم تناسوا تضحيات الاعب من اجل الفريق فلاعب يجيه قطع
بالرباط مرتين

في نفس الرجل ومع ذلك يحسم بطوله ويلعب في هذا المستوى والله نعمه ياناس

لانطالب الاعب فوق طاقته يعني معقوله نواف مايبي يلعب للهلال وهو اللي ضحى ب 13 مليون
عندما عرض عليه الاتحاد ووافق على 3 مليون من اجل حبه للهلال

ومع ذلك ينسى الجمهور
جميع افضاله مجرد انه انخفض مستواه ماذا لو وقف الجمهور مع نواف ورفعوا لافتات تشجعيه
له والله راح يحرك فيه شي اما مافائدة الانتقاد الغير مبرر وليس هادف ومو مجرد واحد صار عنده
كيبورد يطقطق عليه سوى نفسه فاهم لا ..لازم نقدر ياناس ..وخلصنا من نواف والحين الدور على الشلهوب الموهوب صحيح انه يعاني من انخفاض هو الاخر لكن لازم ان نقف معه مثل ما وقفنا مع ياسر مع ان الشلهوب اولى وكيف لا وهو ابن النادي

ومع ذلك لا نرى تشجيع له والجمهور كله ينادي على ياسر ياسر ماذا لوكان الشلهوب هو اللي ضيع البلنتي ضد الاتحاد وش يبي يصير موقف الجمهور؟؟ ان هنا ليس لتأجيج الجمهور على ياسر لا وربي فياسر لاعب كبير وفنان

لكن اعطوا كل ذي حق حقه ويجب علينا الوقوف مع الاعب كي يرجع كما كان ماذا لو الجماهير نادت على اسم الشلهوب في مباراة الاهلي تتوقعون هالشي مايحز في خاطر الشلهوب ومتاكد انها تبي تكون مبارته ان شاء الله فلا نكون قاسين عليهم

...

الجانب الثاني:

عندما يبرز لاعب في الهلال سواء من الاولمبي او الشباب تبدا الاقلام تشتغل بالتشبيهات وتبدا الاقلام تنتقد المدرب

ليش ماتلعبه... وليش انت حاقد عليه ....والله يقطع الواسطه ومن الكلام الفاضي هذا والله مااااحرق لاعبينا ودمرهم الا حنا وتشبيهاتنا الفريدي :ثنيان قادم ...الدوسري :شلهوب جديد ويبي يغطي عليه ...الكلثم:الغشيان والله نسخه منه ...لا وتطلع بالاخير اقلام تطالب بان يلعب العابد اساسي غريب والله

... لاعب توه صغير ويحتاج تقويه جسمانيه ولياقيه كبيره جدا وفريق الهلال للشباب يحتاجه كيف لا وهو عقله المفكر ومع ذلك الجماهير تطالب بان ياخذ مكان الشلهوب ...صدقوني ياناس الاعب اذا قرأ الكلام هذا يبدأ يتسلل الى قلبه الغرور ويطيح مستواه وخير مثال الفريدي احمد لاعب فنان وكبير الجماهير تطالب فيه انه يلعب اساسي وهو ماتمرن مع اولاريو الا تمرينين فقط وفوق هذا هو لاعب مزاجي جدا ولايتحكم بأعصابه

وخير مثال شوف مباراة السعوديه والجزائر الاخيره لاعب يلعب بدون مبالاة وكانه لاعب عمره 30 ويملك خبره كبيره يلعب بشوفت نفس وهذا سبب عدم لعبه اساسي بالمنتخب ومن اراد التاكد فليسأل الجوهر ناصر ..انا مع دعم الاعب الصغير لكن بحدود المعقول

ولانقعد ننفخ في الاعب وبالاخير يطلع فقاعة صابون وياما شربنا مقالب

...فلا نظلم لاعبينا بالمدح الزايد ولانكن مقبرة لهم وبالاخير نتحسف على ذلك

...وبالاخير تقبلوا تحياتي لكم واسف على الإطاله