هذي حقيقة الي صاير .. لكن أنا من وجهة نظري .. أن الأسباب .. في 3 نقاط رئيسية :

أولا : أعلام الهلال .. قوي جداً .. وأيضاً جمهورة ومنتشر بقوة ... وهذا يولد كرة الغير هلالين على الهلال بطريقة غير مباشرة .. يعني مثال : الشباب تقريباً هو الفريق القريب لجماهير الأندية .. والسبب أعلامه وجمهورة ليس بقوة الأندية الأخرى ... ولو نلاحظ أن الي ما يحب الشباب .. تلاقي اصدقائه أو الي يجلس معهم شبابيه .. فطبيعي أنه يكرهه ويتمنى هزيمته .. بسببهم ..



ثانياً : منطقياً .. الفرق القوية يجب أن تكرة الهلال ...

شوف لنقل من عام الـ 1411 هـ .. الى الى هذه السنه ..كل فترة تطلع أندية بمستوى متميز وتنافس على البطولات .. ويكون الهلال طرف ثابت في النهائيات .. بداية من الشباب والنهائيات الي بينا ثم النصر ثم الأتحاد ثم الأهلي ثم الشباب ثم الأهلي ثم الأتحاد ... الخ يعني يطلع فريق وينزل فريق .. والهلال غالباً هو الثابت ...

فطبيعي أنك تكرة منافسك .. فما بالك بمنافس .. دائماً وأبداً ينافس جميع الفرق .. فهذا الي يخلي الواحد يكرهه ..

ثالثاً : بعض الأندية أو نقول أدارات الأندية ( ترى موب النصر ) تبرر خساراتها مع الهلال بالتحكيم دائماً .. من وقت بعيد .. وتجيب الفديوهات والأشرطه وكل شي في أثبات حقيقه هالشي .. وتستغل مشاعر جماهيرهم بعبارت رنانه وتوافق رغبات جماهيرهم لكي تكون سهل الأقتناع ... حتى أنرسخ هالشي في جماهير ناديهم .. وأنتشرت بشكل قوي .. حتى أثرت على جماهير الأندية الأخرى .. فنلاحظ لو يجي خطاء تحكيمي لمصلحة الهلال يكبر ويظخم أما باقي أندية المملكه ..فا أستفادتهم نكاد لا نعلم عنها ..



طبعاً في النهاية ... الهلال ليس خسران .. الهلال ماشي ويحقق البطولة ورى الثانيه .. قد يتعثر .. لكن ينهض .. وفي النهاية يسعد عشاقه ومحبيه ...

أما البقيه .. خلهم يبحثون عن أخطاء التحكيم .. والصحافه .. ورعاية الهلال كما يقول الوليد .. ويتركون فرقهم تسرح وتمرح في المسابقات .

.وجماهيرهم للأسف .. أن هالشي منغرز فيهم من الصغر .. يعني مستحيل يفكر أن الهلال يشتغل لمصلحة الهلال .. وفريقه يفكر كيف يوقف الهلال وتارك نادية بدون لاعبين عليهم القيمه
..


معليش على الأطاله .. بس وش اسوي تحمست ..