|
قال شفت العيد قال ايه قال كلت كبدة قال لا قال اجل ماتعيدت ..
السلام وعليكم
وكل عام وانتم بخير
تخبرون العيد بالرياض ماصل ولا له طعم ابد ونا دايم زول يالله اتحرك
وبعد هواش مع نفسي بغا يوصل لمد الايادي قررت اني البس ثوبي واروح اتعيد مع اهلي
لانهم رايحين قبلي ونا اما نايم ولا نايم قعدت اقلب بالتفزيون
ونا قلبي متعلق بالكبده ابي لحم  مسكت الخط بعد ماشلت نفسي بالقوه
وبسم الله كل واحد يربط الحزام 
اول ماوصلت لقيت الباب مفتوح ودخلت لقيت قهوه وشفت هالفنجال وتذكرت جدي الله يرحمه :
بعد ماتقهويت طلعت اشقر على الغنم واجس نبضهم قبل الاعدام واشوفهم كل واحد يدف الثاني
يقول رح انت الاول بغيت احط قرعه بينهم بس صفوا سرى وصاروا غنم
فيه حوش بالجانب الاخر وفيه وحوش متوحشه وكنهم حاسين ان فيه جريمه تبي تصير
اخونا في الله معكف قرونه وتسنه يقول في نفسه هذولي ناوين حررش شكلهم بيضحون بي 
بعد كذا بد السلخ والتقطيع زكان اول ضحيه الخروف الاشقر
ونا جالس انتظر التسبده تطلع
ونا اللي استلمها تقطيع بالمطبخ عاد اول مره اسويها حتى اني ماعرف البهارات من الكمون
وقطع بصل وطماط وحوسه وجب التاوه 
بس وش رايكم بالمنظر بغض النظر عن طعهما مالح ولا خانس
بعد الفطور رحت اخذ قيلوله على سرير بس سرير غير شكل تحس انك راكب بسفينه
هالمروحه جلست اتأمل فيها ساعه بقالك نيوتن ابي اعرف الهوا حقها وين يروح معه
بعدها رحنا نسربت يمين ويسار لين جت الساعه ثنتين رجعنا ثانيه عشان نطبخ الغدا
وسوينا غدا على كيف كيفكم
ثم اخذنا قدحا من الشاهي مرصص وجاهز
وفي الختام كل عام ونتم بخير والى عيد اخر ان شاء الله  | 