| يا اخي حرام عليك
ما انقذك هالموسم الا المدرب
لاحظ معي
نلعب ناقصين التايب والشلهوب في مباراة الوحده الامراتي والى الحين الهلال صامد
ناقصين من بدايه الموسم عزيز والهلال صامد
ناقصين القحطاني قدام النصر في الذهاب وفاز الهلال
ناقصين القحطاني والتايب والغامدي ونواف في اسوء حالاته امام الاتفاق نصف النهائي وخسر الهلال بهدف الغفله والهلال صامد
التايب ما لعب قدام الاتحاد وما فيه مهاجم ثاني مع القحطاني والاتي كاملين والهلال صامد
الهلال لم يخسر الا لقائين الى الآن
امام نجران مباراة العوارض
وامام الاتفاق مباراة هدف الغفله
وش تبي احسن من كذا؟؟
لو الغت الاداره عقد المدرب فأقرأ على الهلال السلام
نفس سناريو الموسم الماضي
طلعنا من البطولات والسبب::
عدم الثبات على مدرب
لك العبره في تشلسي
الغوا عقد مورينهو وشف وش صار فيهم ؟؟ يالله رجعوا الى نصف مستواهم
وفالنسيا ايضا الغوا عقد مدربهم وخرجوا من دوري الابطال وهزائم بالجمله في الدوري
وش تبي يعني ؟؟
نقعد نصير مثلهم
اذا اكتمل اللاعبين وكل شي تمام والهلال ما قدم مستوى تعال تكلم وقل حاسبوا المدرب *مناقشه فقط*
لا لا لا لا لإقالة المدرب ابدا
وبالنسبه للصويلح انت ما تدري انه مصاب ويبيله 10 ايام علشان يحاول يرجع ؟؟!!!
اخر تعديل كان بواسطة » امي ولدتني هلالي في يوم » 15/12/2007 عند الساعة » 10:40 AM
السبب: خطأ املائي
| 