ابو طلال وشلونك
الدعوه ماهي على انتقاد او مدح
انا انتقد باحترام افضل اني امدح حتى لو كان المدح في محله
التقلبات تصير في الجمهور ولا تصير في مستوى اللاعب
ياخي الهلال صار يدخل المباراة ويدي على قلبي مادري وش بيصير كل مباراة يبدع فيها لاعب ولاعب ماعاد تشوفه ابد
والمباراة الثانيه العكس
جمهور الهلال جمهور يعجبك اذا احسن اللاعب يعطيه حقه واحيانا بزياده
واذا اخطأ شب عليه الين اللاعب يراجع نفسه
شف عزيز والغامدي كانوا بالهلال صفر على الشمال عام 2003 و 2004 بالذات عزيز والحين بعد انتقاده من الجمهور
صار النجم الاول بالوسط الدفاعي
وعندك المفرج حتى سامي في اعوا 2002 و03 و04 كان عاله على الفريق الين جاه الحق من الجمهور والصحافه
وبدع بعدها 2005 و06
حاجتين هي اللي سلبيه بالجمهور انه اللاعب اللي يسجل هدف هو افضل لاعب حتى لو ماقدم المستوى المطلوب كامل المباراة
وهذا ياخذ حقوق لاعبين قدموا عطاءات كبيره خلال المباراة نفسها
والحاجه الثانيه مثل ماحصل مع المفرج اللاعب يقدم عطاءات كبيره في مباريات سابقه ويخطي في مباراه بعدها يمحى كل اللي سواه
عند الجمهور وهذا الشي خطأ لانه اللاعب بشر ولابد من الخطأ
وسلامتك |