أولا: تدرون أن مبارأة الهلال والنصر بكره ونتمنى أن الهلال كعادته يحسمها وأنا أتوقع أنها مبارأة ياسر وراح يثبت أنشاءالله أنه يستحق جائزة أحسن لاعب بأسيا ولاعبين الزعيم كلهم ما فيهم قصور بس عندي طلب تكفون خلونا نبعد عن الأستهزاء والسخريه بنادي النصر لاتكون عواقبها وخيمه علينا

ثانيا:ألى طارق التايب ألى متى أصابات أدري أنه مكتوب وما أعترض على كلام ربي بس أذا عرف السبب بطل العجب وشفيك ياطارق هل تتمرن زين أو لا هل هي أصابة مزمنه مثل ما يقولون تكفى ياطارق والله أحبك والله بس أحب الهلال أكثر منك ياشيخ لا تظلمنا حنى ترانا حبيناك ولا تخلينا نندم على حبك يابرنس تكفى ياطارق حس فينا حس العذاب اللي يصيبنا كل مايقولون طارق مصاب
ترى ياطارق الكلام هذا طلع من كثر حبي لك بس لاتدع مجال للمطبلين

ثالثا:ياجماهير الرياض ردوا على من أنتقدكم ردوا على من قال أنكم جماهير مقاهي وأستراحات تكفون نبي الملعب فل لاتدعوا مكان للشك أنكم كذالك هذي المبارأة مباراتكم لاتبخلوا على الهلال بشي نبيها داحس وغبره انشاءالله الهلال مايخيب ظنكم

رابعا:تكفون يازعماء نبي دعواتكم وغدا الجمعه يوم مهم أكثروا من دعواتكم بأن يفوز الهلال بأذن الله سيفوز لامحاله

تقبلوا مروري وأعذروني أذا ثقلت عليكم وأنشاءالله يحسمها الزعيم