السلام عليكم ورحمة الله وبركاته .,,

بدون مقدمات (( يافشيلتنا ))

عند جماهير الهلال في تبوك والشرقية ومكة وجدة !!

الواحد مننا - مب الكل - يجلس بالبيت ويناظر المباراة ,,

واذا فاز الهلال استانس ..

واذا انهزم بدا يسب سب باللاعبين والمدرب والرئيس ,,

طيب على اي حق تقعد تزعجنا ,,

حنا على الاقل ندفع فلوس ونراكض بالملعب على شانك ..

وانت جالس بالبيت ومنسدح !!

ـ ـ ـ ـ ـ ـ ـ ـ ـ

ياشباب اذا تبون الهلال يفوز لازم تساندونه ..

لازم توقفوا معه ,,

وشلون انت واياه تبي الهلال ويفوز وانت ما سويتله شي ؟؟

على الاقل احضر ياخي ..

ــ ـ ـ ـ ـ ـ ــ ـ

ورسالة للجماهير الي يجون الملعب جزاهم الله خير ,,

يا جماعة وش الفايدة من حضوركم للملعب ؟؟

اذا انتم جالسين تفصفصون و(تدخنون) الله لا يبلانا ..

وبدووووووون اي تشجيع ؟؟

ولا اي نفس ,,

ولا اي حس !!

يعني بالعربي لا تجي اذا كان شغلك كذا ,,

تعال وشجع ,,

وحمس اللاعبين ,,

وهز الملعب ..

اما جالس بدون اي تشجيع وش الفااااايدة ؟؟؟

ـــــــــــــــــــــــــــــــــــــ

علينا نحن جمهور الهلال في الرياض مراجعة انفسنا ,,

عشان الفريق يقدم كل الي عنده ,, لازم نقدم كل الي عندنا ..

عموما الوعد الاثنين والاربعاء ,,

لا تخذلون محبوبكم ,,

تحيااااتي أخوكم : مشعل ..