|
التايب وفيصل أبو ثنين حديث المجالس والادارة الهلالية (دعوة للنقاش)
السلام عليكم لكل الزعماء اللي شرفة موضوعي
اول شي هارد لك الجميع زعل على المباراة بس خيرها بغيرها الدوري طويل وان شاء الله خير
بخش بالموضوع على طول ما اطول عليكم لاني عارف ان اكثركم لو شاف الموضوع اكثر من سطرين طلع منه
موب فاضي يقراه او راح للرد السريع وكتبلي مشكوووووووووووور وريح راسه
بديتو تنافسون السودانين بالنشاط ما شاء الله بس قبل ما أبدا في موضوع صغير 
الموضوع هو محمد الدعيع ما ادري اذا لاحظتو عند الركنيات او الفاولات الدعيع كان واضح عليه ان نظره ضعيف
وبصراحة هذا شي يخوف ولازم يشوفون حل مع انه بصراحه حاولو مع هذا الحارس بكل الطرق الصحيح هو حارس جديد لكن ولد ليكون كبير
الحارس اليوم عنده برشا تدخلات لكن والله يا ابو دعيع ايام الشباب راحت
وبصراحة بعد الحراسة الاحتياطية عندنا ما حولك احد لا والعتيبي راح للقادسية الله يستر بس !!!
اذا توكم صاحين خلونا نرجع للب الموضوع
اول نقطه بموضوعي هو طارق التايب ......
الجماهير الهلالية بالفترة الاخيرة وبصراحة صارت تشجع طارق التايب وبس واكبر دليل على كلامي هو الحضور الجماهيري
بمباراة الاتفاق والاتحاد الاخيرة مع انها من اقوى مباريات الهلال هذا الموسم وشفنا الجمهور كان عدده غفير ومتوازن بين الناديين
قصدي الجمهور كان ضعيف ؟!!!
اوكي طارق فنان وعلى عيني لمساته تطرب الجمهور ما الوم احد بس والله هذي بتصير احد اكبر المشاكل اللي بتواجه الهلال
وبصير الموضوع يا اما طارق يوقع مع الهلال للابد او انهم يلقون وبسرعه لاعب بمستوى طارق
يخلي الجمهور ينسى طارق عشان ترجع الجماهير .
النقطة الثانية هي تخص الاعب فيصل ابو ثنين
كلكم شفتو كم موضوع نزل يبغى الادارة تجيب فيصل ابو ثنين للهلال وانا والله من مؤيدين هذا القرار والله ان الهلال محتاج عقلية مثل عقلية فيصل
واللي يبغى يتأكد من كلامي يتابعه وهو يحلل المباريات لو انا رئيس نادي كان اجيبه مدرب على طول
على القليلة اذا الادارة ما ودها تستعجل تجربه بفريق الاولومبي او الناشئين وصدقوني لو فيصل دخل بالادارة الهلالية بيكون له شأن كبير
عشان كذا انا اتمنى احد يوجه امنياتي وامنيات الجمهور الهلالي للمسؤولين تكفووووووووووووووووون نبغى فيصل 
رسالة لنواف
نواف ..... انا اخترت يوزري عشقا فيك وطول السنين اللي راحت وانا اتواجد بالمنتدى
وانا رافع راسي باليوزر وما كنت متوقع يوم انك تخيب ظني فيك !!
تكفى يا نواف ودي كل اللي بالمنتدى يحسدوني على اسمي 
تكفى ارجع لمستواك يا ابو بندر محتاجين احد ينسينا التايب بعد رحيله
لا تحرمونا من ارائكم وردودكم وتحياتي لكل هلالي راقي
قفلة <==== تراك زودتها
تكفون لا عاد تجيبون حكام اجانب وكلنا شفنا مباراة الهلال والاتحاد
والله الحكم اللي حكم المباراة بيرجع لسويسرا يحش بأم الدوري السعودي
تلقاه جاي ومتحمس مفهمينه ان هذي اقوى مباراة بالدوري دايم سبحان الله اذا جا حكم اجنبي تصير المباراة مستواها ضعيف
خلونا على الحكام السعوديين خلي الاعبين ياخذون راحتهم باللعب قفلة ثانية من جد الظاهر اني بتسطر
يبقى الهلالي ذوق في كل الأحوال ..... من مستوى ذوقه تحدد ميوله
اخر تعديل كان بواسطة » الهلالي 11 في يوم » 03/12/2007 عند الساعة » 12:01 AM | 