إقتباس الرسالة الأصلية كتبت بواسطة مولع بالهلال آخر الخطوات الإجتماعية التي قدمتها موبايلي رعايتها للحملة التي أقامتها جمعية زهرة لسرطان الثدي وعنوانها ( خطوات نحو الشفاء ) وأزيدك من الشعر بيت لأهمية هذه الخدمة الإجتماعية تدري من شرفها :: اللي شرفها حرم خادم الحرمين الشريفين . أيضاً زيارة المرضى بالعيد في المستشفيات . أهتمت بالشباب وعملت دوري مدارس وأبتعثتهم للخارج وسجل منهم لاعبين للهلال والاتحاد وغيرهم . ولو أجلس أعدها يبغالي وقت طويل وأتوقع لو تقرأ الجرايد بتشوف الكثير الكثير . يا أخي أنا أتكلم أنها لم تنجح مع الهلال . وما دخلي أنها إذا كانت حاصلة على شهادات . أنا علي من هل نجحت مع فريقي نادي الهلال أم لم تنجح . بقولك هذا سأذكر مثال بسيط عليه . كأن تأتي لي بشخص وتدافع عنه وتقول هو ناجح في كل المواد ماعدا مادة الرياضيات . وحصل على شهادات كثيرة . وأنا كمدرس رياضيات سأقول لك أنه ساقط مهما حصل على الشهادات في المواد الأخرى

صح لسانك يالذيب ولاهنت

وبعدين يا اخوي جنرال روما ... ماتذكر وش سوت الاتصالات فينا ؟؟

ماتذكر النهب والمعاملة السيئة للعملاء ؟؟

ويوم تقول موبايلي حطت رقم للفائدة برضوا الاتصالات السعودية حطت رقم لمرضى الفشل الكلوي اذا تذكره !! يعني الاتصالات السعودية برضوا حطته للفائدة الخاصة

اخوي جنرال روما المثل اللي يصلح للأتصالات السعودية هو (( كل اناء بما فيه ينضح ))

شف شنو صار فيها من انهيار في البنية التحتية للأتصالات السعودية واسأل واستفسر من مهندسين في الاتصالات السعودية وهم راح يجاوبونك

واللي يقول تغطية موبايلي ضعيفة ؟؟ هذا الكلام كان زمان , لأنه حاليا بدت تغطي مناطق كثيرة في خلال نهاية عام 2007 وبدايات 2008 راح تشوف تغطية موبايلي

والموية تكذب الغطاس

سلام