في البدايه احب اشكر جميع من سجل نفسه في هذا الموضوع واناره سوا من مشرفين او اعضاء لجان او اعضاء من شعبنا المجيد الشعب الهلالي الصامد والله ان جميع ردودكم على العين والراس وتم الاطلاع عليها وفي الحقيقه انتم الدافع الاول لنا فكل الشكر والعرفان لكم هناك بعض الردود استوقفتني ومن حق كتابها ان اناقشهم فيها للخروج برأي هادف وبناء وهذا نحن صفاتنا الشعب الهلالي فأهتمامنا ببيتنا اولى من اهتمامنا ببيوت الاخرين وهذا مايدفعنا بأذن الله لتحقيق البطولات ....

إقتباس الرسالة الأصلية كتبت بواسطة خالد الجروي ويا ليت مباريات الهلال القادمة تكون في الملز ما ني استاد الملك فهد لانه فال شر على الهلال ودايم الهلال ينهزم فيه...

يالغالي اتمنى تقرأ الايه في اول الموضوع .... هذه مجرد صدفه فقط وليس كما يدعي الكثير ..

إقتباس الرسالة الأصلية كتبت بواسطة قاهر الحاسدين كلامك اخوووي والله هو الصحيح لكن انظر لما تفعله هذه الادارة الغير مؤهلة ياخووي يدريك اكبر دليل على عدم مقدرة هذه الاداره الغير مؤهله هوو عجزها احضار لاعب عالمي لأكبر بطولة اسيوية مؤهلة لكاس العالم يأاخي ايضا لنكن واقعيين فنحن تمر لنا الفرص وتذهب من منا بأبسط الطرق والله عاااد شي يقهر مع ادارة محمد بن فيصل فأرجووو ان يرحل اذا كان يحب الهلال فنحن الجماهير الهلالية المحبة لناديها تطالب برجوووع بندر بن محمد رئيسا للنادي ويتنحى محمد بن فيصل لكن هذه المرة ليس بناء على طلبه بل طلب الجماهير الهلالية واشكرك اخوووي على طرحك الرائع جدا لكن العين ماتعلى الحاجب

حياك الله يالغالي ... مره وحده غير مؤهله انت يالغالي في ردك تجاوب على نفسك وشلون اقول لك وشلون
يالغالي الاداره الموجوده حاليا هي التي قدمت لنا 6 بطولات وهي التي اضاعت منا 6 بطولات ومحبوبتنا السابعه
ولكن ليس لانها غير مؤهله كما تعتقد فمن غير المعقول اداره تجلب لك 6 بطولات في زمن قياسي تكون غير مؤهله
ولكن يالغالي الدعم واكرر على كملة الدعم الــ6 بطولات اتت عندما كان الدعم قوي من الامير فيصل وبعض اعضاء الشرف الي مايتعدون اصابع " اليد الواحده " وبعد توقف الداعم الاول عانت الاداره كثيرا وبحثت عن اكثر من باب للخروج من هذا المأزق وهذا الامر كان واضح لجميع الجماهير الهلالية من خلال المنتدى او الصحف لدرجه ان ابو سلطان وقع مع صله فقط لانهاء الازمه وتسديد رواتب المتأخره العاملين ... قبل جل لاعب اجنبي فهم اولى
ومن ناحية عجز الاداره فلم يكن هناك ماده لتجلب بها لاعب اجنبي وتم الاعتماد على الاعبين المحلين بأسعار خرافيه
لعلم الادراه ان المبلغ سيدفع على دفعات لا دفعة واحد كما لو كان لاعب اجنبي
وعقد موبايلي اتى لكن للأسف بعد ماطارت الطيور بأرزاقها لذلك انا اشوف ان العتب يوجه لأعضاء الشرف وبعدين تقول الاداره مادفعت المهر ياخي يكفي المكافأت التي رصدت لك لاعب من الاداره وهي " نص مليون ريال لك لاعب " وين بتلقى اداره نادي تعطي مثل هذا المبلغ الضخم ... انا هنا لست محاميا ولكن يالغالي انت جمع القصه من جميع الاطراف وسترى من " وضع " الهلال بهذا المأزق ...

إقتباس الرسالة الأصلية كتبت بواسطة ساميو 722 والله انكم ضيعتونا ما ندري من الصح انت ولا ابو هيا ولا الثاني ولا الثالث كل واحد كاتب موضوع طويل عريض وكلها مثبته وفيها تناقض على العموم انا اتفق معك في بعض النقاط واختلف معك في بعضها واتوقع ان اهم نقطه اختلف فيها معك هي محمد بن فيصل محمد بن فيصل ما دفع مهر الآسيويه الي كنا ننتظرها من سنين وهو السبب الاول في الخروج والمفروض انه يعتذر بدل ما يحط الحظ عذر له

يالغالي القصه ماهي قصة ضياع ودفاع وهجوم على الهلال واداره ولاعبينه وبنسبه لي يالغالي انا كتبت هذا الموضوع استنتاجا للوضع الحالي الي يمر به الهلال وجمهوره
وبنسبه لبو هيا او غيره كما ذكرت كل واحد يعبر عن ما بداخله وهذا شي من حق الجميع ويعتبر حرية الرأي فهناك من يرى ان هناك خطأ حله رحيل الاداره وهناك الجهه العكسية " مع الاسف لتكون هذه الاحزاب "
والاختلاف في الرأي لايفسد للود قضية
الاهم يالغالي ان نخرج بفائده وهدف بناء لا هدم نفيد به الهلال ادارة ولاعبين وجمهور مهما كان الموضوع ومضمونه
انا اكرر هناك مواضيع " كسوس " مازالت تنخر كيان الهلال ( وهي غير قادره على ذلك ان شاء الله ) ويجب ان نضع لها حدا

وبنسبه لمحمد بن فيصل مادفع مهر الاسيوية ... فهو لم يدفعها وانا معك ولكن ياخي انظر لها من باب المنطق والعقلانية
الخزينه فاضيه والسبب أعضاء الشرف نعم احملهم المسؤليه قبل المبارات مافيه الى 3 او 5 جو وين رجالات الهلال المفروض بندر بن محمد بدال مايطلع في برنامج فوانيس قبل المبارات يكون في النادي ويحمس الاعبين ويحثهم
محمد بن فيصل يوم جته الدراهم " بعد فوات الاوان " من موبايلي وضع مكافات خيالية للاعبين ومع ذلك الاعبين داخلين وكأن النتيجه لصالحهم بكل امانه " مستصغرين الوحده اكثر من الازم "

وتحياتي للجميع
ابو خالد