كيفكم يا زعماء
الصراحه ودي اقول شي بس ما ادري هو صحيح والا وهم
بدينا نشوف في الزعيم اشيا تحصل وما ادري وش السالفه
الحين اذا واحد عنده رائ مو لازم يوافق رائ شخص اخر يعني مو شرط
الحين اذا اعجبني لاعب مو شرط يعجب فلان من الناس ...
لاكن اذا اعجبت بلاعب في اي شي في لعبه في اخلاقه في علاقته معي او احد موصيني عليه وقمت وفاوضت ناديه وجبته وقدمته هديه للنادي حتى ولو كنت رئيس الناد يعني لازم هاذا التعب والجهد يقدر غصب عن اللي ما يرضا سواء المدرب او الجمهور او النقاد ......
الحين ابغى اي واحد يقول لي من جاء السيد العنقري الى النادي وش قدم وفي اي مباراه تميز انا واغلب الجمهور من خلال متابعتي لردود الأفعال سواء في المنتديات الهلاليه وخلال المقابلات الخارجيه مع الجمهور يكاد يجزم ان السيد العنقري لم يقدم حتى ولا نصف مستوى العبدالسلام مو الدوخي حتى في المباريات اللي يفوز فيها او يتعادل الهلال ويكون هو اللاعب الأقل بين اعظاء الفريق واللي يبغى يتأكد من كلامي يراجع مباراة الهلال والكويت الكويتي في التصفيات الأوليه في مباراة الأياب في الكويت كم قطع العنقري الكوره وكم سلمها صح لزملائه بس كانت البركه في باقي المجموعه
واللي خلانا نسكت عن الخنقري هو التأهل والمفروض انه ما يطقها في الهلال من بعد المباراة
ما فيه فايده من الكلام بعد اللي صار الحين ورانا استحقاقات قادمه وبأعتقادي ان العنقري حلل المليون والنصف والوجه من الوجه ابيض
ومن قام بأحضار العنقري او اشار به نقول له كثر الله خيرك وما قصرت والعنقري خلاص استوفى المليون والنصف والرياض يحتريه ( طبعاُ بالنسبه لي امل )
وخوفي الحين من اللاعب الجديد اللي بعد ما حفظت اسمه للحين اللي من نادي الأنصار شكل الشلهوب راح فيها والله يعين متى عاد بتتحلل الست ملاين لكن اتمنى ان يكون فيه الخير والبركه
والظاهره الأخرى اللي اراها في الهلال هو تقديس المنظبط والأهتمام به حتى لو كان ذلك على حساب المستوى وهاذا ما نرآه في المفرج اعتقد ان انظباطه ومحافظته على التمارين وعدم غيابه حتى لو كان عنده عذر هو السبب لكونكم ترونه دائماُ على راس التشكيله ومن قال انها الواسطه اعتقد انا خلاف ذلك
وايظاُ حبه للهلال حب لا يساوم عليه ( ومن الحب ما قتل )
اتمنى للهلال التوفيق في قادم الأيام
