يا اخوي نواف لاعب خبره عمره وصل الـ 30 اذا مو فوقها ودول برا الخبره عندهم 25 سنه !!! لا خل نواف ونجدد له بعد بملونين ثانيه لأن عقليته الكرويه واخلاقه تسجل اهداف لنا ويمكن يرجع لمستواه قبل سبع سنوات وداخلين في الثامنه ........... ياخوي بأنهبل من الحكم العاطفي على مستويات لعيبتنا العالم تبي تحنط اللاعبين في النادي تبي بس تقول عندنا نواف ونواف يصراع الإصابه والعمر والزمن وفارق السن بينه وبين الي يلعب معهم من ناحيه لياقيه ومجهود......... وتدري انت تفكر صح........ نواف اذا يبيه احد يبيعونه والي اعرفه إن فيه رئيس نادي مزهب له عن طريق نادي اماراتي مبلغ حلو بيدخل الخزينه الهلاليه ناخذ قيمة الصفقه ونجدد لعزيز ونستفيد منها وهو يستفيد وبعدها يجي مدرب او يمسك مدرسة الهلال وينقل انضباطه وعقليته الإحترافيه للاعبين المدرسه..... بس لا تقول شي عن نواف لأنك لو قلت بيعوه كأنك تقول اني اكرهه وتتجرد من هلاليتك وبعدين يبون بطوله اسيويه بلاعبين ما يقدرون يكملون 90 دقيقه...... إلا على طاري المبلغ الي نستفيد منه وش اخبار عبده عطيف؟