بسم الله الرحمن الرحيم

كيف حالكم يا بنو هلال

بصراحه ضايق صدري من مباراة الامس لكن قدر الله وما شاء فعل

على العموم هذا مو موضوعنا

انا الحين قاعد اطالع في مباراة شباب الهلال والنصر اعاده

تبون الصدق انا أول مره اتابع مباراة لشباب الهلال
وربي فنانين كلهم مشاء الله عليهم
ابشركم سجلوا الثاني خخخخخ

لا والله ابداع الله يخليهم لنا

احمد الفريدي عبدالعزيز الكلثم
راقي فلاته (ولد اخت اللاعب الكبير محمد نور وان شاء الله يجي اطيب من خاله )
عبد العزيز الدوسري و الصخره نايف نور و باقي النجوم

المهم انا فرحت يوم شفتهم بس اتمنى من الجماهير يدعمونهم لانهم مستقبل الفريق





نقاط متفرقه
* بعد الخروج المر من البطوله الاسيويه خرجت لنا اصوات نشاز تطالب بالمقاطعه
حشا لنا عشر سنوات ماخذنا بطوله ؟؟

*في المنتديات النصراويه بعد خروجنا البارحه اطلقوا علينا لقب (الحالمي) ما ودي اعلق اترك لكم التعليق

*تابعت اليوم في ارتي برنامج ردة فعل لمباراة الاتحاد والنصر
المذيع يسأل مشجع اهلاوي (يشجع النصر) عن رأيه في طرد لاعب النصر
فرد عشان الهلال يتصدر ايضا ماودي اعلق اترك لكم التعليق

*اتمنى ننسى الاسيويه وندعم الهلال في مباراته مع نجران وفي باقي المباريات

*اكاديمية الاهلي سوف تخرج لاعبين على شاكلة مالك معاذ
اتمنى يكون عندنا اكاديمية عشان نطلع لاعبين على شاكلة ياسر والتايب والشلهوب وعزيز وتفاريس









هذا اللي بخاطري فإن أصبت فمن الله وان أخطأت فمن نفسي والشيطان