|
علة الهلال بكابتن الفريق ؟؟ نحتاج سامي اخر ؟؟ الغامدي عزيز القحطاني والبديل !!
السلام عليكم ورحمه الله
كتبت الموضوع من قبل ولكن صغته مره اخرى حتى يخرج بمضمون افضل
هاردلك للجميع الخروج من بطوله اسيا
مانسميها خساره لاننا لعبنا مباريتين بالتعادل
ولكن بقانون الغبي الافضليه للزائر هو الي حرمنا من الاشواط الاضافيه
نرجع لجو المباراه
الغضب كله على المفرج
انا صحيح اكره المفرج ولا احب حرف الميم والفاء والراء والجيم
ولكن ياسر ضيع بلنتي ليه ماحد تكلم ؟؟
خطأ الهدف من تفاريس الله يهديه من قاله يغطي مكان الغامدي او عزيز
تفاريس مدافع او قلب
هجومه وحماسه هو الي ضيعناا
والمعروف ان المفرج لازم تغطي عليه كيف تخليه لحاله !!
اللاعبين كلهم ماقصروا
بدايه من الدعيع الى ياسر
الحظ ماكان معنا + مدرب غبي
بالله عليك التائب تريحه ؟؟
ياخي التائب واالشلهوب والصويلح المفروض اساسيين
ولاضمنا الفوز ندخل بدلاء
مهب نلعب بالبدلاء ولاخسرنا دخلنا الاساسين
فعلا مدرب مغمور وغبي كعاده مدربين اداره الامير محمد بن فيصل
نجيب مدربين مغمورين وبعدين نتحسف على البطولات
العنقري لاعب مايجيد لعب الكوره ومبرمج على اذا لمست الكوره على طول ارفعها بمنطقه الجزاء حتى لو مافيه احد او مخلصه المباراه ولها ساعتين المهم على طول ارفع وبس
غير هذا ماعنده جسم صاير شارع بدقيقه تشوته ويطير
الزوري بالله هذا لاعب تلعبه بمباراه حاسمه !!
على العموم الحمدلله على كل حال
استنتاج بسيط
هل ضياع البطوله بسبب ابتعاد سامي ؟؟
لعبنا كم بطوله بدون سامي وخسرناها
اتوقع ان الفريق يحتاج كابتن مثل سامي الجابر
الدعيع مايقصر ولكن كابتن حارس صعبه ومستحيله
اتمنى تكون الكابتنيه للغامدي او عزيز او ياسر القحطاني او التائب
ليمون حارس الارسنال من اكثر اللاعبين خبره واكبرهم وكابتن الفريق
ولكن لما رائ فينغر ان الفريق يحتاج كابتن غير الحارس على طول وكل المهم لحبيب ومن بعده غلاس
ياليت ناخذ درس فينغر ونتعلم منه بدايه من الكابتنيه ونهايه من اللاعبين الصغار والاعتماد عليهم
والعوض بالبطولات القادمه
وقفات ..
حتى مانخسر ياسر يجب تهيئته النفسيه باكبر قدر ممكن لانه راح يحمل نفسه الخساره وتحطيم امال الجماهير
التمياط لاعب جيد وماقصر ولكن اعطي الفرصه واثبت انه لاعب بطيئ والى الحين حلم الاحتراف يطارده
الخثران ممتاز ممتاز ممتاز اذا لعب بمركزه اما الظهير فهذا مو مكان الخثران
الشلهوب عيني عليك بارده ماقصرت معنا مع انك الى الحين بمراسم العزاء ولكن اثبت انك من رجالات الهلال وهالشي مانشكك فيه
التائب لو اني ماعرفك كان قلت هذا لاعب سعودي ومن ناشئين الهلال
المفرج العنقري الزوري ماعندهم شي يقدمونه للهلال نتمنى التبرع بهم خاصه اننا بشهر فضيل
حان وقت اقاله الاحمد والنمر وعوده البطي والتويجري ..
السلام عليكم  | 