الحمدلله على كل حال ، قدر الله وماشاء فعل ..

عقب ردود الفعل اللي قريتها بعد المباراة .. شكيت اني شاهدت نفس المباراة اللي شاهدتوها .. التجني كان على اكثر من لاعب ، عموما تعالوا نمسك اسباب الخسارة وحده وحده ..

1- إدارة النادي:
- تتحمل جزء كبير من الخسارة والسبب : وين اللاعب الاجنبي الثالث اللي كنا ننتظرة ليكون لنا عوناً في بطولة اسيا .. برونوا اللي مالعب اكثر من نصف ساعة دلالة انه اما غير جاهز او لا يستحق اللعب ؟! بعض اللعيبه عن نصف الفريق والدليل حارس الوحده الاجنبي . واحنا ماكان عندنا استعداد لجلب لاعب ثالث يستحق قيمة عقده.
- كإدارة اذا تنتظر بطولة وترضى يلعب أي لاعب في غير مركزه الاصلي مثل الخثران الظهير الايسر لاعب وسط .. فهذا أحمله الإدارة قبل كل شيء .

2- مدرب الفريق :
- ايضاً مدرب الفريق كان له نسبة كبيرة في الخسارة .. .. كل المحللين وحتى اللي مايفقه في الكره استغربوا التغييرات المتأخره جداً .. مقعد التايب بجانبه ليه هل محتاجه ليكون ورقة رابحه لك .. من الاساس لا تحط نفسك في موقف حرج حتى تفكر ان يكون لديك اوراق رابحه ؟؟
- قلبي على يدي من ان يأخذ الخثران كرت اصفر ثاني وحتى هو قل عطائه لنفس الخوف .. فليه ماكان التغيير فيه هو ليس لسوء ادائه ولكن كان على وشك وفي اي لحظة ياخذ كرت احمر ووقتها كان بيندم على تأخره في تغيير الخثران دلالة انه لا يقرأ الملعب ولا هو شايف لاعبينه كيف يلعبون.
- عمر الغامدي لاعب فنان وكبير ولكن اليوم ماكان يومه .. معروف هو محور يقطع كوره ويسلم كوره وليس لديه ادنى مهارات تخطي اي لاعب وهذا في الغامدي من زمان فليه مصر على ان يكون وسط ايمن .. كان التمياط اجدر منه ومكان التمياط التايب.
- الصويلح ليه مالعب كراس حربه مع ياسر من البداية .. أو على الاقل بعد الهدف فينا .. كنا محتاجين هدفين يعني العمل من المدرب كان يفترض ان يبدأ بعد هدفهم الاول فليه كل هالتأخير منه.
- الهدف كان من خانه تفاريس ورجوعه المتأخر جعل المفرج يغطي خانت تفاريس ولم يجيد التغطية .. فلو كنت لاعب بتشكيله صح فما كنت محتاج من تفاريس ان يلعب مهاجم في اكثر اوقات المباراة .
- هل المباراة كانت مباراة الزوري ولا مباراة الخثران لما يلعب في خانته .. ظلم الزوري وقسى الجماهير عليه وماكان هالشيء ليكون لو لعب الخثران من البداية ظهير ايسر .
- نفس الشيء هل هي مباراة الذياب .. عندك الشلهوب وعندك التايب وتلعب بالذياب لا كبيرة يامدرب كبيره حيل ..
- اما بالنسبة للاعبين .. فحتى لو لعبني المدرب لا تعتقدون اني بقول لا انا ما انفع .. طبيعي بنزل وبلعب واللي بيلوموني مباشرة بقوله لوم المدرب .. احد يحصل له يلعب هالمباراة ولا العبها.

3- تقصير بعض اللاعبين اللي ماكانوا في مستواهم اليوم .. ومنهم اللي ماكانت هذي مباراتهم .. على فكرة اذا الهليل رايح مع الفريق للإمارات هل تتوقعون ان كل لاعب يلعب للزعيم يستاهل لبس الفانيله . فكروا فيها زين وحللوها.

للاسف حتى لو تخطينا الوحده ماكان فريقنا بمثل هالتخبطات الفنية والإدارية والتقصير الواضح .. بيقدم شيء قدام اسبهان .. فالحمدلله على كل حال .. ولا بطاقة التأهل كان يفترض ان تبدأ من الإمارات وضيعنا المباراتين بكل برود للاسف .