مشاهدة مشاركة بصفحة مستقلة
  #1  
قديم 27/09/2007, 02:16 AM
MiSs Ro0oRo MiSs Ro0oRo غير متواجد حالياً
موقوف
تاريخ التسجيل: 06/10/2006
المكان: الريـ قصيميه ـاض
مشاركات: 5,822
ترانا تعادلنا ما خسرنا <<< بس طلعنا من بطوله

اشوف ردود فعل الجمهور مو هاذا كلامها قبل المباراة

يعني عشانا ما تاهلنا تسبون الزعيم وترمون عليه كلام وتنقصون من قيمة اللاعبين الهلاليين ؟؟؟

واكبر دليل ياسر اللي ما سلم من كلامكم لا قبل البطوله ولا بعدها <<< ما الوم ياسر يوم ضيع البلنتي

صحيح ياسر ضيع بلنتي والكل يضيع بلنتيات حتى اساطير العالم مو بس ياسر << وياسر اسطوره ولا تنسون انه خليفة سامي

واذا كنتم تذكرون هجمة سعد مع المنتخب ضد اندونيسيا والكلام والمدح اللي جاه ورفع المعنويات من جمهور الهلال لسعد خصيصا <<< ليه ما نشوف نفس الكلام على ياسر الحين ؟؟؟ المشكله انكم جمهور هلالي والمفروض توقفون مع كل لاعب هلالي في الحلوه والمره ... والا مو بس الهلال اذا فزنا والا اذا خسرنا ياويله !!!!!!!!!

ما ضيع بلنتي ياسر الا انتم يالجمهور ايييه انتم السبب الاول والاخير بمستوى ياسر اليوم في المباراة << اجل فيه احد يطالب بمهاجم في الاسيويه وعندنا ياسر ؟؟؟؟؟؟؟؟ وهاذا هو السبب في انخفاض مستوى ياسر عدم الثقه من جمهور الهلال لياسر

كنتم تطالبون بمهاجم اجنبي عالمي للاسيويه وياسر موجود .... وهالموضوع اشغل ياسر بالتفكير ويبي يحاول يرضيكم ويهديكم هدف من اهدافه ويطلق سهامه كما وعدنا قبل المباراة ويفرحنا بالفوز والتاهل .... والخوف والارتباك والتوتر باين من عيونه قبل ما يشوت البلنتي

واللاعبين ما قصرو سوو اللي عليهم ولعبو وامتلكو الكوره في اكثر اوقات المباراة وكان الضغط هلالي من بداية المباراة ..... بس الحظ كان مع الوحده وهاذي الكوره فوز وخساره

ومثل ما انتم تبون الفوز والتاهل ... حتى جماهير الوحده يبون الفوز والتاهل بعد مو بس انتم

ومافيه سبب واضح لخسارتنا للمباراة او اقصد تعادلنا وخروجنا من البطوله ... حتى البلنتي اللي ضاع وكان بيغير كثير في احداث المباراة مو هاذا سبب خسارتنا ولا حتى ياسر السبب <<< الف شكر لياسر على كل اللي قدمه للهلال وغلطه وحده ما تظر يا ياسر واصل ابداعاتك
اضافة رد مع اقتباس