موضوعي بيكون على نقاط..والعتب على قدر المحبه..
* لاجديد..صارت لنا عاده الخروج من هالبطوله..لكن هالمره احس انها بتكون خيره.
*المفرج..اتوقع انك بتدخل وتقرأ المواضيع اللي تنكتب..لا احد يتجنى عليك..انت مجتهد وماكل مجتهد مصيب..حان الوقت لترك الفريق..فالجمهور لايريدك..لحدود امكانياتك..وان كان احد من الاداره يريدك..فليرحل معك..
* العنقري..ابدا ابدا ليس هذا لاعب بمستوى نادي كالهلال , الهلال اعتبره ناقص لاعب لما يلعب العنقري اساسي..لاعب
ابعد كل البعد عن مواصفات الظهير العصري.
* التايب..قلناها اول ..أن حضر حضر الهلال وان غاب غاب الهلال..لا نواف ولا غيره يسد مكانه..واللي يقول غير هذا الكلام يكابر..استغرب بقائه بالاحتياط حتى النصف الثاني من الشوط الثاني..والظاهر بدت امكانيات كوزمين تظهر.!!
*ياما تكلمنا وقلنا فريق مثل هذا غير مؤهل للمرور للادوار النهائيه بهالبطوله..وكثير كابر وقال لا..طالبنا باحضار لاعبين..محليين ..واجانب لكن الاداره فاجأتنا باجنبي مغمور..وبعدم جلب اي لاعب محلي لسد الخانات الضعيفه..والمفاجاه الاكبر مقولة اتاحة الفرصه للشباب ببطوله مثل هذه البطوله..!!
*ياسر القحطاني..احب هالاعب كثيييير..مثل كل جمهور الهلال..لكن..شفت مباراة اليوم..تذكرت النهائي..ومباريات اخرى..وتذكرت الاسطوره سامي..فعرفت الفرق..سامي يظهر اوقات الحسم..وياسر يغيب اوقات الحسم..!!!
*كوزمين..المباراه على ارضك وبين جمهورك..وتبدا المباراه بلاعب مهاجم واحد فقط..!! راح باكيتا وجانا كوزمين..
*نواف..اكبر مشكله تواجه هذا الاعب..انه يحاول يجتهد ويحاول يرجع لمستواه..لكنه ينسى ان التايب موجود.
* قبل المباراه كثر الكلام والاستخفاف بلاعبي الوحده من قبل جمهورنا..واخص بالذكر الاعب الكبير اسماعيل مطر..سؤالي الان..عرفتو قيمة هذا الاعب..واتوقع الحين كل واحد مايقدر ينسى اسم اسماعيل..لانه ببساطه اخرج الهلال من هالبطوله , اسماعيل لاعب كبير يستحق منا كل احترام وتقدير , ومن راهن عليه كسب ومن راهن على ياسر للاسف خسر.
*محمد بن فيصل..كأس أسيا وراحت..ورهانك خسرته..انت ماقصرت لكننا خلاص لانريدك , بعهدك كسبنا اشياء وخسرنا اشياء اهم..منها كرامة الهلال وسمعته اللي اصبحت " ملطشه " لكل من هب ودب..تخبطات متواليه..عناد واصرار بغير محله..ادارة متشبعه..اخر طموحها كان كاس اسيا..لكنها خسرته..فلم يعد هناك سببا للبقاء..مع كل الحب لك ارحل ارحل ارحل..!