السلام عليكم

انا قراءت موضوع الدكتور حافظ الله يحفظه

1-الشخص ما يحكم على موضوع زي هذا فيه عقود وامور قانونية ومالية بنفس الوقت عبر كلام جرايد والشخص (د0المدلج) بنا رايه وطرحه العظيم اليوم في الجريدة على كلام جرايد يعني باختصار وللاسف كآنت مقالته عبارة عن محاولة تشويه سمعة لآ اقل ولا اكثر

2-موضوع الرحلات اللندنية الله يحييه زودها مهوب شوي الا وااجد يعني الا بالعافية انا شخص مثقف وثقافتي عالمية او بالأصح (لندنية) طيب وش اسوي بك انا اذا انت تروح لندن ولا عشان يصدقون الضعوف يالطيب انا قارء ابي محتوى يفيدني مو شخص يستعرض (لندنته) علي

3-بحكم منصبه المتعمق في الرئاسة العامة كان همه الشاغر اخفاء ميولة الرياضية طوال الفترة الماضية والي يقرا مقالات الشخص هذا يدري انه مآخذ الكتابة كنوع من البرستيج الله يحييه (لندني ايضا) ولكن تلميحاته كانت من بعيد لبعيد ولا احد فهمها ليس لأن الناس اغبياء بس عشااانه من يمها تلميح وكان على باله انه ذيبان والناس ما طقت له خبر

4- طبعا انا اتحفظ على معارضت افكاره الي قالها ولكن انا اعارض الأسلوب الي هو يتكلم فيه بعدين وش عنده عهود الرجال داخلين حرب على غفلة ولا كذا يتكلمون (اللندنيين) ياخي لو هو جاه عرض من صحيفة اخرى وبمقابل اعلى اكيد لن يذهب تدرون عهود رجال

5-دامه يحب احترام العقود والمواثيق وينه ايام المساكين لاعبين النصر يتلحطون لا رواتب ولا مستحقات ولا مقدمات ووينه يوم الخوجلي يصيح في التلفزيون على الهوا يقول امي مريضة ولا ابي الا حقوقي الي ماعطوني اياها وابراهيم ماطر وغيره وغيره ولا شركة الاتصالات مساكين بيخسرون عشان عهود الرجال ما احترمت ووينه يوم البلوي يزور عقود لاعبينه ولا التزوير عادي في شرع (اللندنيين)

باختصار الرجل بعد مقالته هذي اثبت انه اضحوكة لا اكثر ولا اقل يعني الرجل لا مثقف ولا شي لأن الشخص الفاهم الي بعيد عن هالنوع من العقود المعقدة يبعد نفسه عن التدخل حتى لو غلبه الميول الرياضي لأنه يعرف انه قد يحرج نفسه

وبالنسبة لي هذا الشخص ليس اكثر من جستنية آخر وسألقبه النسخة (اللندنية) من جستنيه
يعني جستنية نظيف شوي مو مثل جستنية الي خبركم وانتوا بكرامة

وشكرا