السلام عليكم ،،
اليوم شفنا وقرينا خبر رحيل ثلاث ناشئين من الهلال مع موبايلي معسكر في برشلونه ،،
فيه ثلاث لاعبين منهم يلعبون في الهلال ،، والافضل فيهم \\ مازن العتيبي // ولقبه المتداول " شبيه ياسر " وهذا اللقب اطلقته صحيفة الرياضيه له ،،
المهم ماعلينا اللاعب معروف عنه " فري قود " وماشالله في دوري المدارس اخذ الهداف مع مدرسته " مدارس السمو " وكرموه المدرسه ،،
هالكلام مايهم لكن الاهم ان اللاعب يوقع مع الهلال " ببلاش " لعيون الزعيم بس ،،
ويتفأجى انه يركن احتياط لعيون الكلثم " لاعب الواسطات " ولا مكافئات مايستلم منها شي ،، الاداريين ماكلينها عليهم وكأنهم يتبعون سياسة " نوزيها لكم اذا كبرتو " ترى الاساسين من الناشئين هم اللي يستلمون مكافئاتهم اما الاحتياط " عليهم السلام " بمافيهم الهداف " مازن العتيبي "
واللي يقهر من جد اذا جو يلعبونه يحطونه دفاع وهو كنق في الهجوم وهداف !! يعني ياشباب يمكن بعضكم مايعرف اللاعب زين لكن اسألو اي طلاب من مدارس السمو الثانويه وتعرفون منهو مازن العتيبي ،،
ولكن الانصاف لابد له ان يأتي والانصاف اتى من موبايلي لذهابه الى معسكر في برشلونه لانه من افضل الناشئين يعتبر ،،
وفي الاخير والله شي يقهر وانا ماقول في بندر بن محمد شي صحيح انه يدعم الناشئين لكن اللي تحته هم اللي مسوين في النادي بلاوي ،،
وترى انا من مدراس السمو وسألت ناس في فصله وعمره قلت من افضل هو ولا الكلثم ،، قالو ومافيه مقارنه " مازن العتيبي " افضل لكن " الواسطات " لاعبه دورها في النادي ،،
اللاعب اللي اتكلم عنه طوله جدا رائع وجسمه اروع ويملك صفات المهاجم الرائع يعني يعرف طريق المرمى ويحتضن في الكوره زين وهدااااااف ،،
وانا والله ماقربه بصله ولاهم يحزنون لكن حبا في الزعيم وفي كيانه لابد ان نكون بعلم عن مايحدث في زعيمنا ،،
واسف على الاطاله ،،
