انا رجل قانون .. خلوني أشرح لكم شغله بسيطه ... تصير في حياتنا اليوميه ..

لو انت تبني بيت وتعاقدت مع راعي مكيفات يورد لك عدد معين من المكيفات السبيلت بالمواصفات والشكل المطلوب .. طبيعي إنك انت وصاحب المكيفات يهمكم إنجاز العقد في وقته ولا يمكن يكون تأخير عليك .. ويمكن تعطل بضاعه عنده وتزاحم المستودعات .. فالأمر الطبيعي إن كلاكما يشترط شرط جزائي في العقد وهو عباره عن مبلغ مثلاً ربع قيمة العقد يدفعه فيمن يتسبب في تعطيل أو فسخ العقد كتعويض عن الضرر للطرف الثاني ..

في حالة عقد الهلال مايبي لها محامين ولا اباطره .. كل اللي يبي لها قرائه متأنيه لعقدي الاتصالات وصله وآله حاسبه لحسبة الشرط الجزائي .. بعد كذا يطلع معنا مبلغ هو كل مايستحقه الأطراف الأخرى بكل الطرق القانونيه ( العقد شريعة المتعاقدين ) .. وسمعت إن المبلغ لايتجاوز 5 مليون لكلا العقدين .. بعدها أحط هالمبلغ في اعتباري لدى تعاقد أي شركه اخرى ..

عقد موبايلي بدوره قابل للفض بالمناسبه لو جاءت شركه جديده ورغبت برعاية الهلال .. أو مثلاً لو رأت موبايلي إنها تخسر أكثر مما تكسب في رعاية الهلال .. والشرط الجزائي هو خمسين مليون كما قرأت يدفعه من يريد الانسحاب من العقد .. لنفرض جت شركه اسمها سين ترغب في رعاية الهلال بمبلغ 100 مليون في السنه بعد موسم أو موسمين .. لايضر الهلال لو دفع 50 مليون للانسحاب من عقد موبايلي... ولو مثلاً جت موبايلي شافت تخسر أكثر مما تربح زي ما أشرت .. راح تدفع 50 مليون وتوقف سيل الخساير ..

بس هذي الفكره ياليت ماعاد نناقش هالموضوع مره ثانيه !