نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (اللهم زد وبارك وهدم المدارس واعطينا توكس ومارس) +قصه من قصصي في المدرسه

¤ ريـموو ¤ · #14 22/08/2007, 11:56 AM

إقتباس


	؛ ؛ ؛ ؛ ؛ ؛ صحيح الدعوه غلط لكن كنا نرددها {{اللهم زد وبارك وهدم المدارس واعطنا توكس ومارس}} نعم هذه العبارات كنا نرددها كثيراً في حال هطول الامطار .ماجمل تلك الايام ايام الحب والبراءه ايام الدراسه وايام اللعب .صحيح ان الطالب مايحب شي اسمه دراسه شي طبيعي . لكن بعد الدراسه رااح تحن لها بكل شي وتصير المدرسه ذكرى غاليه لربما من غلاوتها قد تبكي لأن اغلب ذكرياتك في المدرسه راح تكون ذكرياتك مع المدرسين ومع اخوياك وعلى طاري ذكريات اخوياك بقولكم قصه من قصصي ايام اول متوسط لازلت اذكرها لأنها قصتي الا برز في حياتي ومستحيل اني انساها فنقولكم القصه كنت انا وخمسه من اخوياي معروفين ان حنا مانجيب الواجبات ويومياً طق يجينا من المدرسن الى ماصارت جلودنا طبعه علامة الجوده وفي ذاك اليوم مادري وش اللي خلانا نتراجم( بقواطي) يعني بقوارير المويه والا واحد من هالخمسه رجم وصكت في اللمبه وانكسرت يوه يوم انكسرت طقتنا ام الركب ولاعاد قدرنا نتحرك من الخوف لأن اكيد بيودونا للمدرير ومعروووف المدير بالفلكه وجاء المدرس وحولنا على المدير طبعاً قبل مانوصل للمدير كل واحد راح يغسل يده ورجليه بمويه بارده سبايك انا نحيب المويه البارده تخفف الالم بالعكس صارت هي اللي تزود يوم وصلنا كان المدير قاعد على مكتبه يتقهوى لازلت اذكره زين وطبعاً جاه الموضوع فمسيكين اخبره يتقهوى الظاهر جينا ونكدنا عليه قهوته وقعد يهذري علينا ويهاوش ويزاعق كل ماله لسانه يطول وماوعينا والا هو سكت فجاءه وراح جاب العرق وعطا خوينا الاول فلكه وعطا خوينا الثاني فلكه وعطا الثالث فلكه يوم صاح خويي ومدري وش اللي خلاني اضحك ذاك الوقت يوم ناظرني المدير والا انا اكتم الضحكه يوم قالي لي انا بعطيك فلكه قدام طلاب المدرسه كلهم بعد الصلاة علشان سوء سلوكك قسم بالله ياجماعة الخير بغيت ذيك اللحظه وانتو بكرامه بغيت اسويها في نفسي من الخوووف واخوياي اللي معي انطقوا عند المدير وراحوا الفصل يوم اذن الظهر ودوني للمصلى قعدت اتسنن مافيه سنه والاسنه مؤكده الا سويتها ذاك الوقت من الخوف اللي يشوف بيعدموني بعد الصلاه وانا اصلي استغفر الله ماكنت خاشع قاعد افكر في الطق يوم سلم الامام اول من قام من المصلى الظاهر المدير وناداني وقال للطلبه انه بيعطيني فلكه يوم قال المدير لواحد من هالمدرسين جب كرسي علشان نرفع رجليه ورفعوا رجليني ماقدر اتحرك جتني ام الركب جايتني من زمان بس هالمره زادت والله واشوف العرق واول طقه في رجلي ومسوي بطل ثاني طقه هاه بديت احس وثالث طقه حرتني والرابعه والخامسه الظاهر السادسه قعدت اصيح وبعدها قبل مايكمل العشر طقات انكسر العرق يوم انكسر العرق في رجلي وبعدها خذاني المدير عند باب غرفته وانا اصيح والا دخل واحد من المدرسين يتوسط يخليني ادخل الفصل والحمد لله قبل الواسطه ودخلت الفصل بس من عقبها والله العظيم طلعت من احسن الطلاب اخلاقياً وعلمياً كان مستوانا مقبول لحد ما فوالله ياخواني ان المدرسه ذكريات غاليه علينا والله يوفق طلابنا بعد الكلام اللي قلته كل واحد يعطينا من قصصه الحلوه اياااام المدرسه وتقبلوا تحياتي اخوكم/ ابو ليان

ابو لينا حراام عليك يارجال قصمن بالله ماأدري مصاريني ولا امعائي الي تمغطو من الضحك

ياشييييخ والله إنك فله خليتني احب المدرسه غصب مع اني اكرهها

ولاااااااااااأبي طاريهااااا < مابقى إلا إسبوعين

فاصل ضحك

ههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههههههههههه

نعووود للموزوع

O ونفصفصه فصفصه O

إقتباس


	ومدري وش اللي خلاني اضحك ذاك الوقت يوم ناظرني المدير والا انا اكتم الضحكه يوم قالي لي انا بعطيك فلكه قدام طلاب المدرسه كلهم بعد الصلاة

تدري عاد عشت شعورك ومازلت اعيشه للحين

ياخي انا عندي نفس المشكله

المدرسه تشرح وانا اضحك ياربي وش اسوي

تجينن حالات الله المستعان تقل مجنونه

حتى ابوي وامي صارو مايهاوشونن

يقولون هذي مجنونه

إقتباس


	قاعد على مكتبه يتقهوى لازلت اذكره زين وطبعاً جاه الموضوع فمسيكين اخبره يتقهوى الظاهر جينا ونكدنا عليه قهوته

الله الله
خربتو عليه الجو الكلاسيكي عزة الله مارحمكم

إقتباس


	علشان سوء سلوكك قسم بالله ياجماعة الخير بغيت ذيك اللحظه وانتو بكرامه بغيت اسويها في نفسي من الخوووف

الله لايلومك قصمن بالله وانا اقرا كلامك حزنت عليك موقف لاتحسد عليه

إقتباس


	وراحوا الفصل يوم اذن الظهر ودوني للمصلى قعدت اتسنن مافيه سنه والاسنه مؤكده الا سويتها ذاك الوقت من الخوف اللي يشوف بيعدموني بعد الصلاه وانا اصلي استغفر الله ماكنت خاشع قاعد افكر في الطق يوم سلم الامام اول من قام من المصلى الظاهر المدير وناداني وقال للطلبه انه بيعطيني فلكه يوم قال المدير لواحد من هالمدرسين جب كرسي علشان نرفع رجليه ورفعوا رجليني ماقدر اتحرك جتني ام الركب جايتني من زمان بس هالمره زادت والله واشوف العرق واول طقه في رجلي ومسوي بطل ثاني طقه هاه بديت احس وثالث طقه حرتني والرابعه والخامسه الظاهر السادسه قعدت اصيح وبعدها قبل مايكمل العشر طقات انكسر العرق يوم انكسر العرق في رجلي وبعدها خذاني المدير عند باب غرفته وانا اصيح والا دخل واحد من المدرسين يتوسط يخليني ادخل الفصل والحمد لله قبل الواسطه ودخلت الفصل بس من عقبها والله العظيم طلعت من احسن الطلاب اخلاقياً وعلمياً كان مستوانا مقبول لحد ما فوالله ياخواني ان المدرسه ذكريات غاليه علينا

ياخي والله حقدت على مديركم الله يذكره بالخير

ماعنده تفاهم 1+1=2 مافي مجال للنقاش

بس جاب نتيجه الطق يابو لينا اجل طلعت من احسن الطلاب

الله يجبر بخاطرك ويسعد قليبك ع الموزوع والقصه الممتعه

كل يوم نزل موزوع << اسم لينا روعه الله يحفظها لكم